کوپل ضلع کے کنکن کلّو دیہات میں پینے کے پانی کیلئے لوگ میلوں کا فاصلہ طے کرنے پر مجبور

بنگلورو۔ شمالی کرناٹک کے کئی دیہاتوں میں آج بھی پینے کے پانی کی قلت درپیش ہے ـ

Apr 24, 2017 08:28 PM IST | Updated on: Apr 24, 2017 08:28 PM IST

بنگلورو۔ شمالی کرناٹک کے کئی دیہاتوں میں آج بھی پینے کے پانی کی قلت درپیش ہے ـ کوپل ضلع کے ٹنکن کلّو نامی دیہات میں مکینوں خصوصاً خواتین اور بچوں کو چار گھڑے پانی کے لیے میلوں کا فاصلہ طے کرنا پڑرہا ہے ـ  کوپل ضلع سے صرف دو کلومیٹر کی دوری پر کٹکن کلّو نامی دیہات واقع ہے ـ تقریباؑ ایک ہزار لوگوں کی آبادی والے اس دیہات میں لوگوں کو بوند بوند پانی کے لیے در در بھٹکنا پڑ رہا ہے ـ دیہات میں چار بورویل کھودے گئے ہیں لیکن  شدید گرمی کی وجہ سے  یہ تمام بورویل خشک ہوچکے ہیں ـ یہاں کے عوام کو دو کلو میٹر دوری پر واقع ہینڈ پمپ بورویل سے پانی حاصل کرنا پڑرہا ہے ـ صبح سے شام تک کیا خواتین کیا بچے تمام اس بورویل کے سامنے اپنی اپنی باری کا انتظار کرتے ہوئے دکھائی دیتے ہیں ـ مقامی لوگوں کا کہنا ہے کہ لوگوں کی پریشانی کو دیکھتے ہوئے ضلعی انتظامیہ نے ایک بورویل کھودا ہے ـ اس بورویل سے حاصل ہونے والا پانی ناکافی ہے جس کی وجہ سے لوگوں کو پریشانیوں کا سامنا کرنا پڑرہا ہے ـ ان پریشانیوں کو دیکھتے ہوئے پینے کے پانی کا یونٹ بھی قائم کیا گیا ہے لیکن چند تکنیکی وجوہات سے  پانی فراہم نہیں کیا جا رہا ہے ـ

ایک مقامی نے بتایا  کہ پورے گاؤں کے لیے ایک ہی بورویل ہے ۔ اسی بورویل سے ہر ایک کو پانی حاصل کرنا پڑتا ہے ـ گاؤں کے اندر مزید تین تا چار بورویل ہیں۔ ان میں سے ایک خراب ہوچکا ہے جبکہ دیگر سے پانی نہیں نکل رہا ہے ـ کوپل شہر کو پینے کا پانی فراہم کرنے کے لیے ضلعی انتظامیہ کی طرف سے مناسب اقدامات کیے جارہے ہیں ـ تُنگابھدرا ڈیم سے پانی کی سپلائی کے لیے پائپ لائن تیار کیے جارہے ہیں ـ مقامی لوگوں  نے مطالبہ کیا ہے کہ پائپ لائن کا کام مکمل کرکے کنکن کلّو دیہات کو بھی پانی سپلائی کرنے کے لیے اقدامات کیے جائیں ـ دیہات سے تقریباً آدھ کلومیٹر پر یہ بورویل واقع ہے۔ اس بورویل سے پانی حاصل کرنے کیلئے ہاتھ سے پمپ کرنا پڑتا ہے ـ ایک گھڑا پانی بھرنے کیلئے تقریباً دس منٹ لگتے ہیں ـ

کوپل ضلع کے کنکن کلّو دیہات میں پینے کے پانی کیلئے لوگ میلوں کا فاصلہ طے کرنے پر مجبور

متعلقہ اسٹوریز

ری کمنڈیڈ اسٹوریز