سعودی عرب کی راجدھانی ریاض میں چلائی گئی سلامتی مہم میں دو دہشت گرد ہلاک

Jan 08, 2017 09:52 AM IST | Updated on: Jan 08, 2017 09:52 AM IST

دبئی۔  سعودی عرب کی راجدھانی ریاض میں چلائی گئی ایک سیکورٹی مہم میں بم دھماکوں اور دیگر حملوں کے دو ملزمان مارے گئے ہیں۔ وزارت داخلہ کے حکام نے اس بات کی اطلاع دی۔ وزارت داخلہ کے حکام نے ایک پریس کانفرنس میں بتایا کہ شمالی ریاض کے الیاسمین میں چلائی گئی سیکورٹی مہم میں سکیورٹی نے دونوں مشتبہ ملزمان کو گرفتار کرنے کی کوشش کی لیکن مشتبہ افراد نے سکیورٹی پر فائرنگ کی جس کا جواب دیتے ہوئے سکیورٹی نے دونوں دہشت گردوں کو مار گرایا۔ اس مہم میں ایک سیکورٹی جوان بھی زخمی ہوا ہے۔

وزارت داخلہ کے ترجمان منصور الترکی کے مطابق ملزمان کی شناخت تائے ا لسياري اور طلال بن سمرن ال سعیدی کے طور پر کی گئی ہے۔ حکام نے بتایا کہ سياري کو بم بنانے میں مہارت حاصل ہے۔ اس پر اگست 2015 میں اسیر کی ایک مسجد کے باہر ہوئے خودکش بم دھماکے میں ملوث ہونے کا الزام ہے۔ اس بم دھماکے میں 15 لوگوں کی موت ہو گئی تھی۔

سعودی عرب کی راجدھانی ریاض میں چلائی گئی سلامتی مہم میں دو دہشت گرد ہلاک

چار جولائی دو ہزار سولہ کو دھماکہ کے بعد مسجد نبوی میں جمع ہوتے لوگ: تصویر: الجزیرہ

حکام نے بتایا کہ سياري پر مدینہ اور جدہ میں استعمال ہوئے بم بنانے کا بھی الزام ہے۔

وزارت داخلہ کے ایک ٹوئٹ میں کہا گیا ہے کہ سعودی عرب کے شہزادہ محمد بن نائف جو ملک کے وزیر داخلہ بھی ہیں ، نے اسپتال جاکر زخمی جوان سے ملاقات بھی کی۔

متعلقہ اسٹوریز

ری کمنڈیڈ اسٹوریز