lok sabha elections 2019 mayawati takes dig at pm modi over rafale رافیل تنازع پر مایا وتی نے وزیر اعظم مودی پر سادھا نشانہ ، کہا : کیا ملک کا ایسا چوکیدار چاہئے ؟– News18 Urdu

رافیل تنازع پر مایا وتی نے وزیر اعظم مودی پر سادھا نشانہ ، کہا : کیا ملک کا ایسا چوکیدار چاہئے ؟

مایاوتی نے وزیر اعظم مودی کو نشانہ بناتے ہوئے جمعہ کو ٹویٹ کیا کہ "رافیل سودے کی فائل اگر چوری ہو گئی تو غم نہیں، لیکن ملک میں روزگار کی گھٹتی شرح اور بڑھتی ہوئی بے روزگاری اور غریب، مزدوروں کی حالت زار، کسانوں کی بدحالی وغیرہ کے سرکاری اعداد و شمار عوام میں ظاہرنہیں ہونے چاہیے"۔

Mar 22, 2019 12:52 PM IST | Updated on: Mar 22, 2019 12:52 PM IST

بہوجن سماج پارٹی (بی ایس پی) کی سپریمو مایاوتی نے ٹویٹ کر کے 'رافیل اور 'چوکیدار کا ذکر کرتے ہوئے ایک بار پھر وزیر اعظم مودی اور اتر پردیش کے وزیر اعلی یوگی آدتیہ ناتھ کو نشانہ بنایا ۔ مایاوتی نے مسٹر مودی کو نشانہ بناتے ہوئے جمعہ کو ٹویٹ کیا کہ "رافیل سودے کی فائل اگر چوری ہو گئی تو غم نہیں، لیکن ملک میں روزگار کی گھٹتی شرح اور بڑھتی ہوئی بے روزگاری اور غریب، مزدوروں کی حالت زار، کسانوں کی بدحالی وغیرہ کے سرکاری اعداد و شمار عوام میں ظاہرنہیں ہونے چاہیے"۔

انہوں نے لکھا ہے کہ ووٹ یا چہرے کی خاطر ان اعداد و شمار کو چھپايے رکھنا ہے اور کیا ملک کو ایسا ہی چوکیدار چاہیئے؟یوگی کے بارے میں بی ایس پی صدر نے لکھا ہے کہ "بی جے پی کے وزیر اور لیڈران پی ایم مسٹر مودی کی دیکھا دیکھی چوکیدار بن گئے ہیں مگر یوپی کے وزیر اعلی جیسے لوگ بڑے تذبذب میں ہیں کیا کریں؟ عوام کا خادم / یوگی رہیں یا اپنے کو چوکیدار اعلان کریں"۔

رافیل تنازع پر مایا وتی نے وزیر اعظم مودی پر سادھا نشانہ ، کہا : کیا ملک کا ایسا چوکیدار چاہئے ؟

مایا وتی ۔ فائل فوٹو

مایاوتی نے آگے نصیحت دینے کے انداز میں لکھا ہے کہ "بی جے پی والے چاہے جو فیشن اختیار کریں، آئین / قانون کی رکھوالی بن کر کام کریں، عوام یہی چاہتے ہیں"۔ واضح ر ہے کہ بی ایس پی صدر ہر دن ٹویٹ کرکے یا بیان جاری کر کے مسٹر مودی اور مسٹر یوگی پر نکتہ چینی کرتی رہتی ہیں۔

Loading...

Loading...