بنگلورو واقعہ پر بولے عامر، ہمارے ملک میں ایسا کچھ ہوتا ہے تو شرمندگی ہوتی ہے

Jan 04, 2017 09:05 AM IST | Updated on: Jan 04, 2017 09:09 AM IST

ممبئی۔ اداکار عامر خان نے نئے سال کے موقع پر بنگلور میں ہوئے جنسی تشدد کے واقعات کی مذمت کرتے ہوئے اسے انتہائی شرمناک اور المناک بتایا۔ کرناٹک کے دارالحکومت میں نئے سال کے آنے کی خوشی کے جشن نے تب برا شکل لے لیا جب 31 دسمبر کی رات کو شہر کے اہم علاقے میں بھاری بھیڑ میں پولیس کی اچھی خاصی موجودگی کے درمیان کئی خواتین کے ساتھ مبینہ طور پر جنسی تشدد کے واقعات ہوئے جسے لے کر ملک بھر میں غم و غصہ ہے۔

عامر نے یہاں '' ستیہ میو جیتے 'واٹر کپ' کے دوسرے ایڈیشن کے آغاز کے موقع پر کہا کہ بنگلور میں جو کچھ ہوا وہ بہت افسوسناک ہے۔ ہم سب دکھی ہیں اور جب ہمارے ملک میں ایسا کچھ ہوتا ہے تو ہمیں شرمندگی محسوس ہوتی ہے۔ ہر ریاستی حکومت کو انہیں روکنے کے لئے اقدامات کرنے چاہئیں۔ 51 سال کے اداکار نے کہا کہ وقت آ گیا ہے کہ قانون مضبوط بنایا جائے اور وہ تیزی سے کام کرے تاکہ ایک مثال قائم کی جا سکے۔

بنگلورو واقعہ پر بولے عامر، ہمارے ملک میں ایسا کچھ ہوتا ہے تو شرمندگی ہوتی ہے

گیٹی امیجیز

انہوں نے کہا کہ آپ دیکھتے ہیں کہ امریکہ میں کوئی واقعہ ہوتا ہے تب دو تین ماہ میں مجرم شخص کو سزا دے دی جاتی ہے اور معاملے کا نمٹارا ہو جاتا ہے۔ اگر ہمارے یہاں بھی ایسا ہوا، مجھے لگتا ہے کہ یہ ایک بڑی تبدیلی ہو گی۔ اداکار نے کہا کہ مجرم کو سزا دیا جانا ضروری ہے تاکہ ایک مضبوط پیغام دیا جا سکے۔

 

متعلقہ اسٹوریز

ری کمنڈیڈ اسٹوریز