گجرات میں اسمبلی انتخابات سے قبل پٹرول -ڈیژل تقریباً 3 روپے سستا ، ویٹ میں کمی

Oct 10, 2017 02:15 PM IST | Updated on: Oct 10, 2017 02:15 PM IST

گاندھی نگر۔ گجرات میں انتخابی سرگرمیوں کے درمیان بی جے پی حکومت نے آج پٹرول اور ڈیژل پر ویٹ میں چار فی صد کی کمی کرنے کا اعلان کیا جو آدھی رات سے نافذ العمل ہوگا۔ وزیراعلی وجے روپانی نے آج اس بات کا اعلان کیا۔ اس سے ریاست میں آج آدھی رات سے پیٹرول 2 روپے 93 پیسے فی لیٹر اور ڈیژل دو روپے 72 پیسے فی لیٹر سستا ہوجائے گا۔ راجدھانی گاندھی نگر میں ان کی نئی شرحیں بالترتیب 67 روپے 53 پیسے اور 60 روپے 77 پیسے فی لیٹر ہوجائیں گی۔

ریاستی سرکار کے اس فیصلے کو گجرات میں اس سال ہونے والےا سمبلی انتخابات کی نظر سے دیکھا جا رہا ہے ۔ اہم اپوزیشن حریف پارٹی کانگریس نے کہا ہے کہ بین الاقوامی بازار میں کچے تیل کی قیمت میں بھاری گراوٹ کے باوجود بی جے پی سرکار نے پیٹرول ڈیژل پرٹیکس میں طویل عرصے تک کوئی کمی نہیں کی تھی اب الیکشن آنے پر عوام کو ورغلانے کے لئے تھوڑی سے کمی کی جا رہی ہے۔

گجرات میں اسمبلی انتخابات سے قبل پٹرول -ڈیژل تقریباً 3 روپے سستا ، ویٹ میں کمی

گجرات کے وزیراعلی وجے روپانی

کانگریس کے ریاستی ترجمان منیش دوشی نے کہا کہ عوام یہ سب سمجھتی ہے اور الیکشن میں بی جے پی کو سبق سکھائے گی۔

متعلقہ اسٹوریز

ری کمنڈیڈ اسٹوریز