چار مسلم بچیوں نے ملک کا نام کیا روشن، ایشیا اسکول میں کیا گیا والہانہ استقبال

احمد آباد کے دانيلمڑا علاقے میں ایشیا اسکول میں استقبال کرکے انہیں اعزاز سے سرفرازکیا گیا۔

Oct 02, 2018 09:53 PM IST | Updated on: Oct 02, 2018 09:53 PM IST

ملک اور بیرونی ملک میں خود کے ساتھ ہی ساتھ اپنے والدین اورمسلم سماج کا نام روشن کرنے والی چار لڑکیوں کا آج احمد آباد کے دانيلمڑا علاقے میں ایشیا اسکول میں استقبال کر کے انہیں اعزاز سے سرفرازکیا گیا۔ کشتی کے میدان میں گولڈ میڈل حاصل کرنے والی صنوفراورجوڈو کے میدان میں مہارت حاصل کر اس سال کومن ویلتھ ورلڈ چیمپئن شپ میں حصہ لینے جانے والی رخسانہ شیخ کے ساتھ ہی ساتھ سہانہ شیخ اورروہینہ منصوری کا بھی استقبال کیا گیا۔

ایشیا اسکول میں ہونے والے اس پروگرام میں بڑی تعداد میں مسلم برادری کے لوگوں کے ساتھ ہی ساتھ اسکول میں پڑھنے والے بچے موجود رہے۔ اس سال جوڈوکھیلنے کے لئے کومن ویلتھ ورلڈ چیمپئن شپ میں منتخب ہونے والی رخسانہ شیخ کے گھر کی مالی حالت کافی خراب ہے، اس لئے وہ آج بھی پانچ کلومیٹرپیدل چل کراپنے اسکول جاتی ہیں۔

چار مسلم بچیوں نے ملک کا نام کیا روشن، ایشیا اسکول میں کیا گیا والہانہ استقبال

احمد آباد میں چار مسلم بچیوں کو اعزاز سے نوازا گیا۔

Loading...

اس سلسلے میں ایشیا اسکول کے ڈائریکٹراورکانگریس کے سینئرلیڈربدرالدین شیخ نے کہا کہ پروگرام میں شاندارکامیابی حاصل کرنے والے بچوں کے اعزازکے ساتھ ہی ساتھ انہیں مالی مدد بھی دی گئی۔ انہوں نے کہا کہ اسکول میں اس طرح کے پروگرام کرنے کے پیچھے کا مقصد ہے کہ ہمارے یہاں پڑھنے والی بچیوں میں بھی کھیل کولے کرجذبہ پیدا ہو۔

وہیں پروگرام میں اعزازہونے والی رخسانہ کا کہنا ہے کہ اسکول اوروالدین کے تعاون کے بغیراس جگہ پر پہنچ پانا مشکل تھا۔ استقبالیہ پروگرام میں حصہ لینے والی روہینہ منصوری نے کہا کہ ایسے پروگرم سے کھلاڑیوں کی حوصلہ افزائی ہوتی ہےاورکچھ نیا کرکے خود کے ساتھ اپنے ملک کا نام روشن کرنے کا جذبہ پیدا ہوتا ہے۔

 

 

Loading...

متعلقہ اسٹوریز

ری کمنڈیڈ اسٹوریز