ناندیڑ بلدیہ میں اپوزیشن ختم ہونے کے بعد اب کانگریس کو باہر سے گھیرنے کی تیاری

Oct 19, 2017 02:17 PM IST | Updated on: Oct 19, 2017 02:17 PM IST

ناندیڑ : انتخابات میں کانگریس پارٹی کو ملنے والی یکطرفہ کامیابی نے اپوزیشن کے وجود کو ختم کردیا ہے ۔81 سیٹوں کے لئے ہوئے انتخابات میں 73 سیٹوں پر کانگریس پارٹی نے قبضہ کرلیا ہے ۔ بی جے پی 6 شیوسینا ایک اور ایک آزاد امیدوار کامیاب ہوئے ہیں ۔ یکطرفہ کامیابی نے اپوزیشن کے وجود کو ختم کردیا ہے ۔ایسے میں شہر کی ترقی کے لئے اپوزیشن کے رول کو منوانے کے لئے ہاؤس کے باہر ہی ایک مضبوط کمیٹی بنانے پرغور کیا جا رہا ہے ۔ اس سلسلہ میں سماجی کارکن محمد سکندر مولانا نے پہل کرتے ہوئے انور گارڈن میں ایک میٹنگ کی ۔

میٹنگ میں ایسے نمائندوں کو مدعو کیا گیا تھا جو مختلف سیاسی جماعتوں اور آزاد امیدواروں کی حیثیت سے انتخابات میں حصہ لئے تھے ۔ تاہم انہیں شکست کا سامنا کرنا پڑا ۔ میٹنگ میں عزیز قریشی ، دلت لیڈرسریش گائیکواڑ، ایم آئی ایم کےاطہر سنار، این سی پی کے فیروز لالہ، انورجاوید سابقہ نمائندہ کارپوریٹر سید فصیح ، محمد رفیق باغبان، سینئر سماجی شخصیت محمد صمد سیٹھ اور دیگر افراد شریک رہے۔

ناندیڑ بلدیہ میں اپوزیشن ختم ہونے کے بعد اب کانگریس کو باہر سے گھیرنے کی تیاری

میٹنگ میں انتخابات کے دوران پیش آنے والے مختلف واقعات کا ذکر کیا گیا ۔ بیشتر افراد نے الزام لگایا کہ یہ انتخابات کانگریس پارٹی نے اپنی خوبیوں اور ایماندارانہ کوششوں نے نہیں بلکہ پیسوں کے دم پر جیتا ہے ۔ کانگریسی امیدواروں نے کھلے عام رائے دہندگان میں پیسے بانٹے اور پولیس تماشائی بنی دیکھتی رہی ۔

متعلقہ اسٹوریز

ری کمنڈیڈ اسٹوریز