حج 2018کا اعلان ، 21روانگی مقامات برقرار، محرم کے بغیر خواتین کے جانے کی پالیسی پر مسلک کی بنیاد پر ہوگا عمل

Nov 12, 2017 03:34 PM IST | Updated on: Nov 12, 2017 03:34 PM IST

ممبئی: مرکزی حج کمیٹی نے حج 2018 کو ’ڈیجیٹل حج‘ قرار دیاہے اورآئندہ سال کی حج کے سلسلہ کی تمام سرگرمیوں کے آغاز کااعلان آج یہاں مرکزی وزیر برائے اقلیتی امور مختارعباس نقوی نے کہاکہ اس مرتبہ 21 روانگی مقامات کو برقرار رکھتے ہوئے عازمین حج کو سفر کے لیے متبادل بھی دیاگیا ہے اور اپنے مسلک کے تحت محرم کے بغیر خواتین کو سفر حج کی سفارش کو نافذکیا جارہاہے۔

آج یہاں جنوبی ممبئی میں واقع حج ہاوس میں منعقدایک پرہجوم پریس کانفرنس سے خطاب کرتے ہوئے مختار عباس نقوی نے کہاکہ اس مرتبہ دوسے ڈھائی مہینے قبل حج کی سرگرمیوں کااعلان کرنے کا مرکزی حکومت کامقصد ہے کہ حجاج کرام کو عالمی سطح کی سہولیات فراہم کرائی جائیں۔

حج 2018کا اعلان ، 21روانگی مقامات برقرار، محرم کے بغیر خواتین کے جانے کی پالیسی پر مسلک کی بنیاد پر ہوگا عمل

مرکزی وزیر مختار عباس نقوی : فائل فوٹو۔

انہوں مزید کہاکہ فی الحال ملک بھر میں عازمین حج کی روانگی کے 21مراکز برقراررہیں گے، لیکن ان میں سے چند ایک کے معاملہ میں متبادل کی گنجائش رکھی گئی ہے۔ممبئی ،دہلی،کولکتہ ،احمد آباد،بنگلور،چنئی اور حیدرآباد کے علاوہ سری نگر کے لیے نئی دہلی ،گوہاٹی کے بدلے کولکتہ ،ناگپور، اورنگ آباد،بھوپال اور اندور کے متبادل کے طورپرممبئی کو رکھا گیا ہے جبکہ بنارس کے عاز مین حج لکھنؤ سے جاسکتے ہیں ۔

مختارعباس نقوی نے مطلع کیا کہ حج سبسڈی ختم ہونے کے نتیجے میں سری نگر اور گوہاٹی کا ہوائی کرایہ سوالاکھ تک پہنچ جائے ،لیکن دہلی اور کولکاتہ سے سفر کرنے کی وجہ سے کرایہ میں تقریباً 30-35ہزار روپے کی رعایت حاصل ہوگی ۔

متعلقہ اسٹوریز

ری کمنڈیڈ اسٹوریز