உங்கள் மாவட்டத்தைத் தேர்வுசெய்க

    لوک سبھا انتخابات نتائج لائیو : راہل گاندھی نے اسمرتی ایرانی سے تسلیم کی ہار ، کہا : امیٹھی کا دھیان رکھیں

    لوک سبھا انتخابات 2019 نتائج کے رجحانات میں ملک میں ایک مرتبہ پھر نریندر مودی کی قیادت میں این ڈی اے حکومت بننے جارہی ہے ۔ رجحانات میں یو پی اے کافی پیچھے ہے ۔ اترپردیش میں مہا گٹھ بندھن بھی بی جے پی سے کافی پیچھے چل رہا ہے ۔

  • News18 Urdu
  • | May 23, 2019, 18:09 IST
    facebookTwitterLinkedin
    LAST UPDATED 4 YEARS AGO

    AUTO-REFRESH

    HIGHLIGHTS

    18:6 (IST)

    کانگریس جنرل سکریٹری پرینکا گاندھی نے بی جے پی کی جیت کیلئے وزیر اعظم مودی کو مبارکباد دی ہے ۔ انہوں نے کہا کہ بی جے پی کو اس کامیابی کیلئے مبارکباد ۔

    18:5 (IST)

    راہل گاندھی نے کہا کہ اب اسمرتی ایرانی امیٹھی کی دیکھ بھال کریں ۔ امیٹھی کے عوام کا احترام کرتا ہوں ۔

    18:0 (IST)

    کانگریس صدر راہل گاندھی نے کہا کہ یہ ہماری ان سے نظریہ کی لڑائی ہے۔ انہوں نے کہا کہ کانگریس لیڈروں اور کارکنان کو گھبرانے کی ضرورت نہیں ہے ۔ ہم یہ لڑائی جیتیں گے ۔

    17:58 (IST)

    راہل گاندھی نے کہا کہ عوام نے واضح طور پر اپنا فیصلہ سنادیا ہے ۔ انہوں نے وزیر اعظم مودی کو مبارکباد دی اور کہا کہ کانگریس نے سخت لڑائی لڑی ۔

    17:49 (IST)

    راہل گاندھی نے وزیر اعظم مودی اور بی جے پی کو جیت کی مبارکباد دی ہے ۔ انہوں نے پریس کانفرنس کرکے پی ایم مودی اور بی جے پی کو جیت کی مبارکباد دی ۔

    17:43 (IST)

    بی جے پی لیڈر اسمرتی ایرانی امیٹھی سیٹ سے 28043 ووٹوں سے آگے ہیں ۔ کانگریس صدر راہل گاندھی کو اب تک 237749 ووٹ ملے ہیں جبکہ اسمرتی ایرانی کو 265792 ووٹ ملے ہیں۔

    17:40 (IST)

    وزیر اعظم مودی نے ٹویٹ کرکے عوام کا شکریہ ادا کیا ہے ۔ انہوں نے کہا کہ شکریہ ہندوستان ! ہمارے اتحاد میں آپ نے جو اعتماد ظاہر کیا ہے اس کو میں قبول کرتا ہوں اور اس سے لوگوں کی امیدوں کو پورا کرنے کے لئے کڑی محنت کرنے کی طاقت ملے گی ۔ میں بی جے پی کے سبھی کارکنان کو ان کے عزم اور سخت محنت کیلئے سلام کرتا ہوں ۔

    17:26 (IST)

    پاکستان کے وزیر عمران خان نے ہندوستان کے وزیر اعظم نریندر مودی کو جیت کی مبارکباد دی ہے ۔

    17:23 (IST)

    کانگریس لیڈر سونیا گاندھی اترپردیش کی رائے بریلی سیٹ سے جیت گئی ہیں ۔ انہوں نے بی جے پی کے دنیش پرتاپ سنگھ کو مات دی ۔ دوسری طرف جیوترادتیہ سندھیا گنا سیٹ سے الیکشن ہار گئے ہیں ۔

    17:20 (IST)

    جاپان ، روس ، اسرائیل اور ویتنام سمیت متعدد ممالک کے سربراہوں نے وزیر اعظم مودی کو لوک سبھا الیکشن میں شاندار جیت کیلئے مبارکباد پیش کی ہے ۔

    لوک سبھا انتخابات 2019 نتائج کے رجحانات میں ملک میں ایک مرتبہ پھر نریندر مودی کی قیادت میں این ڈی اے حکومت بننے جارہی ہے ۔ رجحانات میں یو پی اے کافی پیچھے ہے ۔ اترپردیش میں مہا گٹھ بندھن بھی بی جے پی سے کافی پیچھے چل رہا ہے ۔ بہار میں بی جے پی اور جے ڈی یو کا گٹھ بندھن کافی آگے ہے ۔ خیال رہے کہ 542 سیٹوں والی لوک سبھا کیلئے سات مراحل میں ووٹ ڈالے گئے تھے ۔ پہلے مرحلے کے تحت 20 ریاستوں کی 91 سیٹوں پر 11 اپریل کو ووٹنگ ہوئی تھی ۔ دوسرے مرحلے میں 12 ریاستوں کی 95 سیٹوں پر 18 اپریل کو ووٹ ڈالے گئے تھے ۔ 23 اپریل کو تیسرے مرحلے کی ووٹنگ ہوئی تھی ، جس میں 15 ریاستوں کی 117 سیٹوں پر ووٹ ڈالے گئے تھے ۔ چوتھے مرحلے میں 91 سیٹوں پر 29 اپریل کو ، پانچویں مرحلے کے تحت 51 سیٹوں پر چھ مئی کو ، ساتویں مرحلے میں 12 مئی کو سات ریاستوں کی 59 سیٹوں جبکہ 19 مئی کو ساتویں مرحلے میں 59 سیٹوں پر ووٹ ڈالے گئے تھے ۔