بنجامن نتن یاہو نے اپنی اہلیہ کے ساتھ تاج محل کا دیدار کیا

آگرہ۔ دنیا کے سات عجائبات میں شامل تاج محل کے دیدار کے بعد اسرائیل کے وزیر اعظم بنجامن نتن یاہو واہ تاج کہنے سے خود کو نہیں روک سکے۔

Jan 16, 2018 06:49 PM IST | Updated on: Jan 16, 2018 06:49 PM IST
بنجامن نتن یاہو نے اپنی اہلیہ کے ساتھ تاج محل کا دیدار کیا

مسٹر نتن یاہو اپنی اہلیہ سارا کے ساتھ آج تقریباً گیارہ بجے آگرہ پہنچے اور تاج کے احاطے میں ایک گھنٹے سے زیادہ دیر تک موجود رہے۔ : تصویر، یو این آئی۔

آگرہ۔ دنیا کے سات عجائبات میں شامل تاج محل کے دیدار کے بعد اسرائیل کے وزیر اعظم بنجامن نتن یاہو واہ تاج کہنے سے خود کو نہیں روک سکے۔ مسٹر نتن یاہو اپنی اہلیہ سارا کے ساتھ آج تقریباً گیارہ بجے آگرہ پہنچے اور تاج کے احاطے میں ایک گھنٹے سے زیادہ دیر تک موجود رہے۔ انہوں نے اپنی بیوی کے ساتھ ڈائنا بنچ پر بیٹھ کرتصویر بھی کھنچوائی۔ اس موقع پر لوک فنکاروں نے بہترین رقص طاؤس پیش کرتے ہوئے ان کا خیرمقدم کیا۔ فنکاروں نے بھی ان کے ساتھ فوٹو کھنچوائی۔

سخت حفاظتی انتظامات کے درمیان نتن یاہو فن تعمیر کے اس نادر روزگار نمونے کو دیکھتے رہے اور اس کی تعریف کی۔ نتن یاہو کی موجودگی میں عام سیاحوں کو تاج کے احاطے میں آنے کی اجازت نہیں دی گئی تھی۔

Loading...

تاج محل کے دیدار کے بعد انہوں نے ایک ہوٹل میں لنچ کیا اور اترپردیش کے وزیر اعلی یوگی آدتیہ ناتھ سے ملاقات کی جو تقریباً 20 منٹ جاری رہی۔ اس سے پہلے وزیر اعلی یوگی آتیہ ناتھ نے اسرائیل کے وزیر اعظم کا ہوائی اڈہ پر خیر مقدم کیا۔

Loading...