بالی ووڈ مہانایک امیتابھ بچن کو ملے گا دادا صاحب پھالکے ایوارڈ ، اس طرح ہوا اعلان

بالی ووڈ کے سپر اسٹار امیتابھ بچن کو ہندوستانی فلموں میں بہترین تعاون کے لئے پروقار دادا صاحب پھالکے ایوارڈ سے نوازا جائے گا ۔

Sep 24, 2019 09:59 PM IST | Updated on: Sep 24, 2019 10:04 PM IST
بالی ووڈ مہانایک امیتابھ بچن کو ملے گا دادا صاحب پھالکے ایوارڈ ، اس طرح ہوا اعلان

امیتابھ بچن ۔ فائل فوٹو ۔

بالی ووڈ کے سپر اسٹار امیتابھ بچن کو ہندوستانی فلموں میں بہترین تعاون کے لئے پروقار دادا صاحب پھالکے ایوارڈ سے نوازا جائے گا ۔ اطلاعات و نشریات کے وزیر پرکاش جاوڈیکر نے منگل کو یہ طلاع دی۔ انہوں نے ٹوئٹ کرکے کہا کہ ہندی فلموں کے ’لیجنڈ‘امیتابھ بچن کو متفقہ طور پر دادا صاحب پھالکے ایوارڈکے لئے منتخب کیا گیا ہے۔ انہوں نے دو نسلوں کو اپنی اداکاری اور فن سے نہ صرف متاثر کیا ہے بلکہ حوصلہ افزائی بھی کی ہے۔

مسٹر جاوڈیکر نے کہا کہ امیتابھ بچن کو یہ اعزاز ملنے سے نہ صرف ملک میں بلکہ بیرون ملک میں بھی ان کے مداحوں میں خوشی کی لہر دوڑ گئی ہے۔ ان کو میری طرف سے دلی مبارکباد ۔

امیتابھ بچن کو صدی کے مہانایک کا درجہ ملا ہوا ہے ۔ امیتابھ بچن بالی ووڈ میں 50 سال سے زیادہ کا سفر طے کرچکے ہیں ۔ امیتابھ بچن کو 1970 کی دہائی میں کافی کامیابی ملی اور ان کی شہرت میں اس کے بعد سے مسلسل اضافہ ہوا ۔

amitabh-bachchan

یوں تو امیتابھ بچن اپنے کیریئر میں کئی ایوارڈ پاچکے ہیں ، جن میں تین قومی ایوارڈ بھی شامل ہیں ۔ اس کے علاوہ انہیں 12 فلم فیئر ایوارڈس بھی مل چکے ہیں ۔ اتنا ہی نہیں ان کے نام سب سے زیادہ مرتبہ بیسٹ ایکٹر فلم فیئر ایوارڈ کا ریکارڈ بھی ہے ۔

Loading...