پکوڑا تنازعہ کے بعد اب ایک مرکزی وزیر نے دیا اچار اور مربہ بیچ کر تقدیر بنانے کا مشورہ

پکوڑا تنازعہ کے بعد وزیر مملکت برائے ازرات نے جمعرات کے روز لوگوں کو مشورہ دیتے ہوئے کہا کہ اگر کوئی صحیح طریقہ سے سوچے تو اچار اور موربہ بیچ کر بھی اپنی تقدیر بنا سکتا ہے۔

Jul 06, 2018 02:15 PM IST | Updated on: Jul 06, 2018 02:16 PM IST
پکوڑا تنازعہ کے بعد  اب ایک مرکزی وزیر نے دیا اچار اور مربہ بیچ کر تقدیر بنانے کا مشورہ

فائل تصویر

پکوڑا تنازعہ کے بعد وزیر مملکت برائے زراعت  نے جمعرات کو  لوگوں کو مشورہ دیتے ہوئے کہا کہ اگر کوئی صحیح طریقہ سے سوچے تو اچار اور مربہ بیچ کر بھی اپنی تقدیر بنا سکتا ہے۔ مرکزی وزیر گجیندر سنگھ شیکھاوت بھوپال میں ریاستی بی جے پی دفتر میں مدرا لون کو لے کر صحافیوں سے بات چیت کر رہے تھے۔انہوں نے کہا کہ راجستھان میں میرے ایک دوست کی اہلیہ مدرا لون لے کر اچار اور مربہ بنا کر دو کروڑ روپیے کا کاروبار کر رہی ہیں۔

واضح ہو کہ انہوں نے یہ بات پکوڑا بیچ کر روزگار سے متعلق پوچھے گئے ایک سوال کے جواب میں  کہی۔  وزیر موصوف نے کہا ’’ آپ پکوڑہ کے بات کر رہے ہیں۔ میں اچار کی بات بتاتا ہوں ۔ میرے ایک دوست ہیں۔ بہت ہی معمولی کارکن ہیں۔ لیکن ان کی جو بیوی ہیں ان کے ہاتھ میں جادو ہے۔ وہ ایسا اچار اور مربہ بناتی ہیں کہ کو ئی آدمی اگر دو روٹی کھاتا ہے ، تو وہ  پانچ کھائے بغیر نہیں رکے گا۔ ان کو مدرا لون ملا۔ تو دو سال میں ان کےکاروبار کا ٹرن اور آج دو کروڑ سے زیادہ کا ہو گیا ہے۔ ایسی ہزاروں مثالیں ہیں‘‘۔

Loading...

انہوں نے دعویٰ کیا کہ بی جے پی حکومت آنے کے بعد ملک میں روزگار کے مواقع بڑھے ہیں۔ ملک میں 14 کروڑ لوگوں کو مدرا بینک سے لون ملے ہیں۔

 

 

Loading...