ہوم » نیوز » عالمی منظر

اٹلی میں کرونا وائرس سے زبردست تباہی! ایک دن میں 627 لوگوں کی موت ، طلب کی گئی فوج

اٹلی میں صورتحال اتنی سنگین ہوگئی ہے کہ حکومت کو فوج کو سڑکوں پر اتارنا پڑا ہے۔ لوگوں کو گھروں میں بند رہنے کے لئے کہا جارہا ہے۔

  • Share this:
اٹلی میں کرونا وائرس سے زبردست تباہی! ایک دن میں 627 لوگوں کی موت ، طلب کی گئی فوج
اٹلی میں کرونا وائرس سے زبردست تباہی! ایک دن میں 627 لوگوں کی موت ، طلب کی گئی فوج

روم ۔کورونا وائرس (Coronavirus) نے اٹلی (Italy) میں تباہی مچا رکھی ہے۔ یہاں پچھلے 24 گھنٹوں کے دوران 627 افراد ہلاک ہوچکے ہیں۔ کورونا وائرس کی وجہ سے یہ ایک دن میں دنیا بھر میں سب سے زیادہ اموات ہیں۔ اٹلی میں اب تک 4032 افراد اس انفیکشن کی وجہ سے ہلاک ہوچکے ہیں۔ اٹلی نے ایک روز قبل ہی کورونا وائرس کی وجہ سے ہونے والی موت میں چین کو پیچھے چھوڑ دیا تھا۔ تازہ ترین اعداد و شمار کے مطابق ، پوری دنیا میں اب تک 11 ہزار افراد کی موت ہو چکی ہے۔ یہ تعداد یوروپ میں 5 ہزار سے تجاوز کر چکی ہے۔


سڑکوں پر فوج


اٹلی میں صورتحال اتنی سنگین ہوگئی ہے کہ حکومت کو فوج کو سڑکوں پر اتارنا پڑا ہے۔ لوگوں کو گھروں میں بند رہنے کے لئے کہا جارہا ہے ، لیکن اس کے باوجود لوگ باہر آرہے ہیں۔ شمالی شہر لمبارڈی میں ہزاروں افراد کو علاج کروانے میں پریشانی کا سامنا ہے۔ گذشتہ ماہ اسی شہر میں پہلی بار کورونا وائرس کا مریض پایا گیا تھا۔ دریں اثنا صرف جمعہ کو ہی 6 ہزار نئے کیسز رپورٹ ہوئے۔ اب تک اٹلی میں 47 ہزار افراد مثبت پائے گئے ہیں ، جبکہ وہاں کی آبادی صرف 6.05 کروڑ ہے۔


علامتی تصویر
علامتی تصویر


سی این این کی رپورٹ کے مطابق ، لمبارڈی میں مریضوں کو آئی سی یو میں رکھنے کی جگہ بچی نہیں ہے۔ مریضوں کو دوسرے شہروں میں منتقل کیا جارہا ہے۔ متعدد مقامات پر عارضی اسپتال بنائے گئے ہیں۔ اٹلی میں انفیکشن کے نئے کیسز میں 15 فیصد کا اضافہ ہوا ہے۔ اعداد و شمار کے مطابق ، تقریبا 70 فیصدی لوگ صحت یاب ہو کر واپس اپنے گھر جارہے ہیں۔
First published: Mar 21, 2020 12:31 PM IST