ہوم » نیوز » عالمی منظر

چین میں پھر پھیل رہا کورونا وائرس؟ چھ دن میں پہلی بار اتنے زیادہ معاملے

چین کے نیشنل ہیلتھ کمیشن نے اتوار کو بیان جاری کر کے کہا کہ 30 جنوری کو چین میں کورونا کے 92 نئے معاملے ملے ہیں۔ یہ 24 جنوری کے بعد ایک دن میں سب سے زیادہ ہے۔ بیان میں بتایا گیا ہے کہ نئے معاملات میں 73 معاملے لوکل ٹرانسمیشن کے ہیں۔

  • Share this:
چین میں پھر پھیل رہا کورونا وائرس؟ چھ دن میں پہلی بار اتنے زیادہ معاملے
علامتی تصویر: فوٹو اے پی

بیجنگ۔ چین میں ایک بار پھر کورونا وبا (Corona in China) اپنا پیر پسارتا دکھ رہا ہے۔ ملک کے شمال مشرقی شہر میں پچھلے 6 دنوں میں ایک دن میں سب سے زیادہ کورونا کے معاملے سامنے آئے ہیں۔ غور طلب ہے دنیا میں کورونا وبا کیسے پھیلی اس کی جانچ کے لئے عالمی صحت تنظیم (WHO) کی ایک ٹیم ووہان کے دورے پر ہے۔ چین کے ہوبیئی صوبے کے ووہان میں ہی سب سے پہلے کورونا کا معاملہ سامنے آیا تھا۔


پچھلے 6 دن میں سب سے زیادہ معاملے


چین کے نیشنل ہیلتھ کمیشن (China National Health Commission)  نے اتوار کو بیان جاری کر کے کہا کہ 30 جنوری کو چین میں کورونا کے 92 نئے معاملے ملے ہیں۔ یہ 24 جنوری کے بعد ایک دن میں سب سے زیادہ ہے۔ بیان میں بتایا گیا ہے کہ نئے معاملات میں 73 معاملے لوکل ٹرانسمیشن کے ہیں۔ جینل صوبے کے ٹینگوا شہر میں سب سے زیادہ معاملے سامنے آئے ہیں۔ انہوں نے بتایا کہ دارالحکومت بیجنگ اور شنگھائی میں ایک بھی کورونا کا معاملہ سامنے نہیں آیا ہے۔


چین کے کورونا کے اعداد وشمار پر دنیا کو شک

حالانکہ چین بغیر علامت والے کورونا معاملوں کو کنفرم نہیں مانتا ہے۔ غیر علامت والے معاملات میں بھی اضافہ ہوا ہے۔ نئے معاملوں کے بڑھنے کے ساتھ ہی چین میں کورونا وائرس متاثرین کی تعداد بڑھ کر 89,522 ہو گئی ہے جبکہ اموات کی تعداد 4,636 ہے۔ غور طلب ہے کہ چین میں کورونا سے مرنے والوں کی تعداد کو لے کر امریکہ کے سابق صدر ڈونلڈ ٹرمپ نے شی جن پنگ کو گھیرا تھا۔ دنیا بھر کے کئی ممالک چین میں اموات کے اعداد وشمار پر سوال اٹھا چکے ہیں۔

دنیا میں کورونا کے نئے اسٹرین سے بڑھی تشویش

چین میں کورونا کے بڑھتے معاملات کے درمیان ویکسین مہم بھی جاری ہے۔ چین میں لاکھوں لوگوں کو کورونا کی ویکسین کی ڈوز دی جا چکی ہے۔ یہی نہیں، چین اپنے سدا بہار دوست پاکستان کو بھی کورونا ویکسین بھیج رہا ہے۔
Published by: Nadeem Ahmad
First published: Jan 31, 2021 11:02 AM IST