ملک بھر میں کوروناکی شدت:1دن میں 12591نئے کیسز،فعال مریضوں کی تعداد 65 ہزار سےزیادہ

نئی دہلی: ملک میں کورونا وائرس کی رفتار ایک بار پھر سے خوفزدہ ہونے لگی ہے۔ آج ایک ہی دن میں کورونا وائرس کے 12 ہزار سے زائد نئے کیسز ریکارڈ کیے گئے ہیں اور فعال مریضوں کی تعداد بھی 65 ہزار سے تجاوز کر گئی ہے۔ ہندوستان میں ایک ہی دن میں کورونا وائرس کے انفیکشن کے 12,591 نئے کیسز سامنے آنے کے بعد ملک میں اب تک متاثرہ افراد کی تعداد 4.48 کروڑ ہو گئی ہے۔ یہ پچھلے تقریباً آٹھ مہینوں میں روزانہ رپورٹ ہونے والے کیسز کی سب سے زیادہ تعداد ہیں۔ اس کے ساتھ ہی ملک میں زیر علاج مریضوں کی تعداد بڑھ کر 65,286 ہو گئی ہے۔

جمعرات کو آٹھ بجے مرکزی وزارت صحت کی طرف سے جاری کردہ تازہ ترین اعداد و شمار کے مطابق، انفیکشن سے 40 مریضوں کی موت کے بعد، ملک میں کورونا وائرس کے انفیکشن سے جان کی بازی ہارنے والوں کی کل تعداد5,31,230 ہو گئی ۔

یہ بھی پڑھیں

• کووڈ 19: کورونا کا قہر پھر شروع، 7 دنوں میں نئے کیس میں 81 فیصد اضافہ، دہلی میں سب سے زیادہ 24 اموات


• کورونا نے بڑھائی ٹینشن، 24 گھنٹے میں ہوئی 23 اموات، 10093 نئے کیسز درج، ایکٹو کیسز 57 ہزار سے تجاوز


• کورونا انفیکشن اب ’اینڈیمک‘ بننے کی راہ پر گامزن، اس کا کیا مطلب اور پھیلاؤ کو کیسے روکا جائے؟


• کورونا کا نیا ویرینٹ Arcturus- جانیے کتنا خطرناک ہوسکتا ہے کوویڈ کا اسٹرین XBB.1.16


• فارماکمپنی سے سیدھے کوروناٹیکہ خریدیں گی ریاستیں،پی ایم کے چیف سکریٹری نے میٹنگ میں دیاحکم

اعدادوشمار کے مطابق ہندوستان میں انفیکشن کی یومیہ شرح 5.46 فیصد ہے اور ہفتہ وار شرح 5.32 فیصد ہے۔ اس وقت ملک میں 65,286 افراد کورونا وائرس کے انفیکشن کے لیے زیر علاج ہیں، جو کہ کل کیسز کا 0.15 فیصد ہے۔ ہندوستان میں مریضوں کے صحت یاب ہونے کی قومی شرح 98.67 فیصد ہے۔ ملک میں اب تک مجموعی طور پر 4,42,61,476 لوگ انفیکشن سے شفا یاب ہو چکے ہیں جب کہ کووڈ-19 سے ہونے والی اموات کی شرح 1.18 فیصد ہے۔وزارت صحت کی ویب سائٹ کے مطابق، انسداد کووڈ-19 کے لئے ہندوستان بھر میں ویکسی نیشن مہم چلائی گئی ہیں اور اب تک 220,66,28,332 خوراکیں دی جا چکی ہیں۔

اہم بات یہ ہے کہ 7 اگست 2020 کو ہندوستان میں کورونا وائرس سے متاثرہ افراد کی تعداد 20 لاکھ، 23 اگست 2020 کو 30 لاکھ اور 5 ستمبر 2020 کو 40 لاکھ سے تجاوز کر گئی تھی۔ انفیکشن کے کل کیسز 16 ستمبر 2020 کو 50 لاکھ، 28 ستمبر 2020 کو 60 لاکھ، 11 اکتوبر 2020 کو 70 لاکھ، 29 اکتوبر 2020 کو 80 لاکھ اور 20 نومبر کو 90 لاکھ سے تجاوز کر گئے۔

19 دسمبر 2020 کو ملک میں یہ کیسز ایک کروڑ سے تجاوز کر گئے تھے۔ 4 مئی 2021 کو متاثرین کی تعداد دو کروڑ سے تجاوز کر گئی تھی اور 23 جون 2021 کو یہ تین کروڑ سے تجاوز کر گئی تھی۔ پچھلے سال 25 جنوری کو انفیکشن کے کل کیسز چار کروڑ سے تجاوز کر گئے تھے۔