ہوم » نیوز » شمالی ہندوستان

کورونا وائرس: مہاراشٹر کے 4 شہروں میں لاک ڈاؤن، دہلی میں بند رہیں گے مال

کورونا وائرس سے دنیا بھر میں اب تک 10 ہزار سے زیادہ لوگوں کی موت ہوچکی ہے جبکہ ہندستان میں کورونا کے 210 مریض ہیں۔ دہلی کے وزیر اعلیٰ اروند کیجریوال نے سبھی مال کو بند رکھنے کاحکم دیا ہے۔ وہیں راشن اور سبزی کی دکانیں کھلی رہیں گی۔

  • Share this:
کورونا وائرس: مہاراشٹر کے 4 شہروں میں لاک ڈاؤن، دہلی میں بند رہیں گے مال
انہوں نے خدشہ ظاہر کرتے ہوئے کہا کہ ایسا ہو سکتا ہے کہ یہ وائرس ایک سائیکل کی شکل اختیار کر لے اور اس وائرس کی ایک اور لہر سے ہمیں لڑنا پڑے ،اس کے لیے ہمارا تیار رہنا بہت لازمی ہے۔

کورونا وائرس سے دنیا بھر میں اب تک 10 ہزار سے زیادہ لوگوں کی موت ہوچکی ہے جبکہ ہندستان میں کورونا کے 210 مریض ہیں۔ دہلی کے وزیر اعلیٰ اروند کیجریوال نے سبھی مال کو بند رکھنے کاحکم دیا ہے۔ وہیں راشن اور سبزی کی دکانیں کھلی رہیں گی۔ کورونا وائرس کے قہر کو دیکھتے ہوئے مہاراشٹر کے وزیراعلیٰ ادھو ٹھاکرے نے بڑافیصلہ کیا ہے۔ حکومت نے چار شہروں پونے، پمپری۔چنچواڑ، ممبئی اور ناگپور کو پوری طرح سے بند کرنے کا احکام دیا ہے۔ یہ شہر 31 مارچ تک بند رہیں گے۔ حالانکہ حکومت نے عام لوگوں سے کہا ہے کہ لاک ڈاؤن سے گھبرانے کی ضرورت نہیں ہے کیونکہ سبھی ضروری خدمات جاری رہیں گی۔

ملک میں ہر گزرتے دن کے ساتھ کورونا وائرس کے معاملوں میں اضافہ ہورہا ہے۔ ملک بھر میں کورونا وائرس کے معاملوں کی تعداد دوسو کے قریب پہنچ گئی ہے۔ مہاراشٹر میں سب سے زیادہ باون کیس سامنے آئے ہیں۔ ملک میں کئی جگہوں پر لوگوں کے ایک جگہ جمع ہونے پر پابندی عائد کردی گئی ہے۔ تلنگانہ میں بھی کل مزید تین نئے کیس سامنے آئے۔ بیرون ملک سے لوٹ رہے لوگ ہی زیادہ تر وباء کا شکار پائے جارہے ہیں۔ اترا کھنڈ میں اندراگاندھی نیشنل فاریسٹ اکیڈمی کےدو ٹرینی اسپین سے لوٹنے کے بعد وائرس سے متاثر پائے گیے ۔۔ایران میں کورونا وائرس وباء کا شکار ہوکر ایک ہندوستانی شہری چل بسا۔ کورونا وائرس کا اثر اور بے چینی بازاروں پر بھی چھا چکی ہے۔ اڈیشہ میں تازہ طور پر دوران سفر ایک مریض کو پکڑا گیا۔ۨ

کورونا وائرس کی روک تھام کے لیے حکومت کی جانب سے تمام تر اقدامات کیے جارہے ہیں وہیں سماجی تنظیمیں بھی اس حوالے سے لوگوں میں بیداری لانے کی کوششوں میں جٹی ہیں۔ پٹنہ میں پرائیویٹ اسکول اینڈ چیلڈرین ویلفیئر ایسوسی ایشن نے لوگوں میں کِٹ تقسیم کرنے کا اعلان کیا ہے۔ ایسوسی ایشن کے ممبران بہار سمیت پورے ملک میں کرونا کو لیکر آج سے بیداری مہم کا آغاز کررہےہیں۔

First published: Mar 20, 2020 03:36 PM IST