اہم خبر: ووہان سے 324 مسافروں کے ساتھ دہلی پہنچا ایئر انڈیا کا طیارہ

نئی دہلی۔ چین کے شہر ووہان سے 324 ہندوستانی شہریوں کو لے کر ایئر انڈیا کا خصوصی طیارہ آج صبح سات بج کر 24 منٹ پر دہلی پہنچا۔ چین میں نوول کورونا وائرس کے وبائی شکل اختیار کرنے کے پیش نظر حکومت نے اپنے شہریوں کو وہاں سے نکالنے کا فیصلہ کیا ہے۔ چارٹرڈ پرواز سے لائے گئے تمام 324 مسافروں کو 14 دن تک مانیسر اور چھاؤلہ کیمپ میں خاص طور پر بنائے گئے کیمپوں میں رکھا جائے گا تاکہ وہ دوسرے لوگوں کے رابطے میں نہ آ سکیں۔ ڈاکٹروں کی ٹیم ان کی صحت کی باقاعدہ جانچ کرے گی۔



ایئر انڈیا کا بوئنگ 747 ڈبل ڈیکر جمبو طیارہ جمعہ کو دوپہر بعد 1.17 بجے دہلی سے روانہ ہوا تھا اور ہندوستانی وقت کے مطابق ہفتہ کی صبح تقریباً ایک بجے ووہان سے واپسی ہوئی۔ پرواز میں رام منوہر لوہیا اسپتال کے پانچ ڈاکٹر اور ایئر انڈیا کے ایک پیرا میڈیکل اسٹاف کو بھی بھیجا گیا تھا۔ ووہان میں طیارے میں بورڈنگ سے قبل تمام مسافروں کی اسکریننگ کی گئی۔

Delhi: Indians who arrived in the Air India special flight from Wuhan (China) at Delhi Airport today, are being taken to the Indo-Tibetan Border Police (ITBP) Chhawla Camp. They will be kept in isolation for 14 days at the camp for medical observation. #CoronaVirus pic.twitter.com/U6D1Xa1WE8

— ANI (@ANI) February 1, 2020

Delhi: #CoronaVirus screening will be conducted by a team of doctors at Delhi Airport for all the 324 Indians who have arrived in the Air India special flight from Wuhan (China). Later on, if necessary, they will be put under medical observation. https://t.co/nhLnq2GIz8 pic.twitter.com/NgGep1mM6q

— ANI (@ANI) February 1, 2020

ووہان سے آئے مرد مسافروں کے لئے دہلی کے پاس مانیسر میں اور عورتوں کے لئے چھاؤلہ میں خصوصی کیمپ بنائے گئے ہیں۔ چونکہ وائرس کے انفیکشن کی علامات سامنے آنے میں 14 دن کا وقت لگ سکتا ہے، اس لئے 14 دن تک ان مسافروں کو آبادی سے دور رکھنے کا انتظام کیا گیا ہے۔

قابل ذکر ہے کہ دنیا بھر میں نوول کورنا وائرس کے 9800 سے زیادہ کیسز کی تصدیق ہو چکی ہے اور ان میں 99 فیصد کیس چین کے ہیں۔