ہوم » نیوز » عالمی منظر

کورونا وائرس سے دنیا بھر میں 41 ہزار355 ہلاکتیں، 838445 افراد متاثر

اس عالمی وبا کے مرکز چین میں اب تک 81ہزار518 افراد کے وائرس سے متاثر ہونے کی تصدیق اور 3305 افراد کی اس وائرس کی زد میں آنے کے بعد موت ہو چکی ہے۔

  • UNI
  • Last Updated: Apr 01, 2020 11:23 AM IST
  • Share this:
کورونا وائرس سے دنیا بھر میں 41 ہزار355 ہلاکتیں، 838445 افراد متاثر
پیر کے مقابلہ منگل کو کوروناوائرس متاثرین اورمرنے والوں کی تعداد میں کافی کمی آئی ہے۔

بیجنگ/ جنیوا / نئی دہلی۔ دنیا کے بیشتر ممالک میں پھیل چکے کورونا وائرس (کووڈ 19) سے ہلاکتوں کا سلسلہ جاری ہے اور اس خطرناک وائرس سے دنیا بھر میں اب تک 41355 لوگوں کی موت ہو چکی ہے جبکہ تقریبا 838445 افراد اس سے متاثر ہیں۔ ہندوستان میں بھی کورونا وائرس تیزی سے پھیلتا جا رہا ہے اور ملک میں مجموعی طور پر کورونا وائرس کے ایک سو سے زیادہ نئے کیسز سامنے آنے کے بعد اس کے متاثرین کی تعداد بڑھ کر 1397 ہو گئی ہے جبکہ تین اور مریضوں کی موت کے بعد مرنے والوں کی تعداد 35 ہو گئی ۔ وزارت صحت نے منگل کو بتایا کہ ملک میں کورونا وائرس کے 1397 کیسز کی تصدیق ہو چکی ہے۔


اس عالمی وبا کے مرکز چین میں اب تک 81ہزار518 افراد کے وائرس سے متاثر ہونے کی تصدیق اور 3305 افراد کی اس وائرس کی زد میں آنے کے بعد موت ہو چکی ہے۔ اس وائرس کے حوالہ سے تیار کی گئی ایک رپورٹ کے مطابق چین میں ہونے والی اموات میں 80 فیصد کیسز 60 سال سے زیادہ عمر کے لوگوں کے تھے۔ کورونا وائرس کے حوالہ سے سب سے زیادہ سنگین صورتحال اٹلی اور اسپین میں ہے۔ عالمی وبا کورونا وائرس (کووڈ -19) سے بری طرح متاثر اٹلی میں اس وائرس سے مرنے والوں کی تعداد 12 ہزار کا ہندسہ پار کر گئی ہے اور مرنے والوں کی مجموعی تعداد 12428 ہوگئی ہے۔


علامتی تصویر


اسپین میں اس سے مرنے والوں کی تعداد بڑھ کر 8269 ہو گئی ہے۔ رپورٹوں کے مطابق اسپین میں کورونا وائرس سے متاثر افراد کی تعداد بڑھ کر 94 ہزار417 ہو گئی ہے۔ ایران میں اس وائرس کی زد میں آکر ہلاک ہونے والوں کی تعداد بڑھ کر 2898 ہو چکی ہے جبکہ 44605 افراد اس وائرس سے متاثر ہوئے ہیں۔ جنوبی کوریا میں اس وبا سے 162 افراد ہلاک جبکہ 9786 لوگ اس سے متاثر ہوئے ہیں۔

ڈبلیو ایچ او کی ویب سائٹ پر شائع اعداد و شمار کے مطابق کورونا وائرس کووڈ -19 وبا سے یوروپ سب سے زیادہ متاثر ہے۔ اب تک مغربی بحرالکاہل خطہ میں 3671، یوروپی خطہ میں 26694، جنوب مشرقی ایشیائی خطہ میں 166، مغربی ایشیا ئی خطہ میں 2954، امریکہ کے قریب پڑنے والے علاقوں میں 2836 اور افریقی خطہ میں 77 افراد کی موت ہوئی ہے۔
First published: Apr 01, 2020 11:21 AM IST
corona virus btn
corona virus btn
Loading