ہوم » نیوز » شمالی ہندوستان

جنتا کرفیو: پورے ملک میں سڑکیں سنسان، پبلک ٹرانسپورٹ بند،کورونامریضوں کی تعداد میں اضافہ

پورے ملک میں جنتا کرفیو کا مبثت اثر دیکھا جارہاہے۔دہلی این سی آر میں جنتا کرفیو کی وجہ سے سڑکیں اور بازاریں خالی ہیں۔

  • Share this:
جنتا کرفیو: پورے ملک میں سڑکیں سنسان، پبلک ٹرانسپورٹ بند،کورونامریضوں کی تعداد میں اضافہ
پورے ملک میں جنتا کرفیو کا مثبت اثر

دہلی این سی آر میں جنتا کرفیو کی وجہ سے سڑکیں اور بازاریں خالی ہیں۔ روزانہ کے مقابلے میں پارکوں میں پیدل چلنے، سائیکل چلانے اور یوگا کرنے والے لوگوں کی تعداد میں بہت زیادہ کمی واقع ہوئی ہے۔ دہلی کے ساؤتھ ایکس مارکیٹ میں خاموشی ہے۔ سڑکیں خالی ہیں۔ یہاں تک کہ مندروں میں بھی آج بھیڑ نہیں نظر آئی ۔وہیں کیجریوال حکومت نے دہلی میٹرو اور ڈی ڈی سی بس خدمات بھی بند کردیا ہے۔


ممبئی میں جنتا کرفیو کے دوران سڑکیں اور بازار سنسان نظرآرہے ہیں۔ وزیر اعظم نریندر مودی نےکی جانب سے کورونا وائرس وباء پر قابوپانے کے لیے 'جنتا کرفیو' کا اہتمام کرنے کی کال کا ممبئی میں مثبت اثر دیکھاجارہاہے۔ پولیس اور ریاستی حکومت کا عملہ تمام اسٹیشنوں پر موجودہے تاکہ یہ یقینی بنایا جاسکے کہ لوگوں کو احساس عدم تحفظ سے دور رکھا جاسکیں اور مقامی ٹرینوں میں بھی31مارچ تک صرف ضروری خدمات میں مصروف افراد کو ہی سفر کی اجازت حاصل ہے ۔



محکمہ صحت کے افسران کی چھٹیاں منسوخ

سری نگر اور گاندربل میں ضلعی حکام کو کورونا وائرس وبائی امراض کے پیش نظر سرکاری ملازمین کی تمام گزٹ چھٹیاں منسوخ کرنے کا حکم دیا گیا ہے۔ دونوں اضلاع کے متعلقہ ضلعی مجسٹریٹوں کے الگ الگ احکامات میں ، تمام سرکاری افسران اور اہلکار جو چھٹی پر تھے۔ ، کو کہا گیا ہے جب بھی ضرورت پڑی یا انہیں طلب کیا جائے تو وہ فوری رپورٹ کریں۔ احکامات میں نجی افراد اور تنظیموں کو یہ بھی ہدایت کی گئی ہے کہ وہ COVID-19 سے متعلقہ سرگرمیوں کے لئے خدمات فراہم کرے جس میں اس طرح کے احکامات کو بغیر کسی پابندی کی تعمیل کی جائے

مذہبی اداروں اور عبادت گاہوں کے خلاف مقدمات درج

جنتا کرفیو کے دوران رہنما خطوط کی خلاف ورزی کرنے پر کیرالہ میں مذہبی اداروں اور عبادت گاہوں کے خلاف مقدمات درج کرلیاگیاہے۔کیرالہ میں متعدد مذہبی اداروں کے خلاف کورونا وائرس کے معاملات میں اضافے کے پیش نظر جاری کردہ سرکاری رہنما خطوط کی خلاف ورزی کے کرنے پر مقدمات درج کیے گئے ہیں۔جن مذہبی اداروں کے خلاف مقدمہ درج کیا گیا ہے ان میں پانچ منادر اور دو مساجد بھی شامل ہے۔ ان پر ایک ایسے وقت میں تقریبات اور بڑے پیمانے پر اجتماعات کا اہتمام کرنے کا الزام عائد کیا گیا ہے جب حکومت نے گھر کے اندر ہی رہنے اور اجتماعات سے اجتناب کرنے کا مشورہ دیا ہے۔

کورونا وائرس کے معاملات میں مسلسل اضافہ

مغربی بنگال میں ایک ایسا شخص کورونا وائرس سے متاثر پایاگیاہے جس نے کسی دوسرے ملک کا سفر نہیں کیاہے۔جس کے بعد مغربی بنگال میں کورونا متاثرین کی تعداد 4ہوگئی ہے۔ وہیں چندی گڑھ کورونا وائرس کا ایک اور معاملہ سامنے آیاہے بتایاجارہے کہ یہ چندی گڑھ میں کورونا وائر س کے پہلے متاثر شخص سے ملاقات کرنے والے دوسرا شخص بھی کورونا وائرس کا شکار بن گیاہے۔جس کے بعد چندی گڑھ میں کورونا متاثرین کی تعداد 6 ہوگئی ہے۔ وہیں اتر پردیش اور آندھرا پردیش میں کل کیس بالترتیب 28 اور5ہو گئے۔ وارانسی اور گریٹر نوئیڈامیں دو تازہ معاملات کی اطلاع ملی ہے اور ان میں ریاستی وزیر چیتن چوہان کی بیٹی بھی شامل ہے۔
First published: Mar 22, 2020 10:41 AM IST
corona virus btn
corona virus btn
Loading