ہوم » نیوز » عالمی منظر

کووڈ۔ 19: برازیل میں کورونا وائرس سے اب تک 77 ہزار سے زیادہ افراد ہلاک

ایک روز قبل برازیل میں کورونا وائرس کے 45،403 نئے کیسز رپورٹ ہوئے تھے اور کووڈ 19 کی وجہ سے 1322 افراد ہلاک ہوگئے تھے۔

  • UNI
  • Last Updated: Jul 18, 2020 09:13 AM IST
  • Share this:
کووڈ۔ 19: برازیل میں کورونا وائرس سے اب تک 77 ہزار سے زیادہ افراد ہلاک
علامتی تصویر

ریو ڈی جنیرو۔ عالمی وبا کوروناوائرس سے سنگین طور سے متاثر برازیل میں گزشتہ 24 گھنٹوں کے دوران کووڈ 19 کے 34،177 نئے کیسز سامنے آئے ہیں اور اس کی تعداد 20،46،328 کو عبور کر چکی ہے۔ برازیل کی وزارت صحت کی طرف سے ہفتے کے روز جاری اعداد و شمار کے مطابق گذشتہ 24 گھنٹوں کے دوران ملک میں اس وبا کی وجہ سے 1163 افراد کی ہلاکت سے مرنے والوں کی تعداد 77،000 سے تجاوز کر کے 77،851 ہو گئی ہے۔ برازیل میں 13،97،000 سے زیادہ افراد کورونا وائرس سے پوری طرح صحت یاب ہوچکے ہیں۔


ایک روز قبل برازیل میں کورونا وائرس کے 45،403 نئے کیسز رپورٹ ہوئے تھے اور کووڈ 19 کی وجہ سے 1322 افراد ہلاک ہوگئے تھے۔ اس سے پہلے کے مقابلے میں برازیل میں کورونا کے نئے کیسز میں کمی واقع ہوئی ہے۔ امریکہ کی جان ہاپکنز یونیورسٹی کے سائنس اور انجینئرنگ (سی ایس ایس ای) کے جاری کردہ تازہ ترین اعداد و شمار کے مطابق برازیل (20.46 لاکھ) پہلے ہی کورونا متاثرین کی تعداد کے لحاظ سے امریکہ (36.38 لاکھ) سے پیچھے ہے۔ کورونا کی وجہ سے ہونے والی اموات کی فہرست میں برازیل ہی امریکہ کے بعد دوسرے نمبر پر ہے۔


برازیل کے صدر جیئر بولسنارو نے کورونا وائرس کو مستقل طور پر ایک عام فلو قرار دیا تھا جس کی وجہ سے وہ شدید تنقید کا نشانہ بنے تھے۔ بولسنارو خود بھی کورونا سے متاثر ہوئے ہیں۔ وہ مارچ میں اپنے وفد کے ہمراہ امریکہ گئے تھے جس کے بعد ان کے وفد کے 20 ممبران کو کورونا سے متاثر پایا گیا تھا۔ اہم بات یہ ہے کہ برازیل میں کوروناوائرس کا پہلا کیس 26 فروری کو ملا تھا۔

Published by: Nadeem Ahmad
First published: Jul 18, 2020 09:13 AM IST