ہوم » نیوز » شمالی ہندوستان

کورونا نے توڑے سارے ریکارڈ، ایک دن میں 13 ہزار سے زیادہ نئے معاملے، متاثرین کی تعداد 3،80،532 ہوئی

کورونا وبا سے سب سے زیادہ متاثر مہاراشٹر میں پچھلے 24 گھنٹوں کے دوران کووڈ 19 کے 3752 کیسز درج کئے گئے اور 100 لوگوں کی موت ہوئی۔

  • UNI
  • Last Updated: Jun 19, 2020 12:05 PM IST
  • Share this:
کورونا نے توڑے سارے ریکارڈ، ایک دن میں 13 ہزار سے زیادہ نئے معاملے، متاثرین کی تعداد 3،80،532 ہوئی
کورونا نے توڑے سارے ریکارڈ، ایک دن میں 13 ہزار سے زیادہ نئے معاملے

نئی دہلی۔ ملک میں کورونا وائرس (کوویڈ 19) کے انفیکشن کے مسلسل بڑھتے ہوئے کیسز کے درمیان اب تک دو لاکھ سے زائد متاثرین صحت مند ہوچکے ہیں اور گزشتہ دو دنوں میں مرنے والوں کی تعداد میں کمی آئی ہے۔ مرکزی وزارت صحت و خاندانی بہبود کی جانب سے جمعہ کو جاری اعداد و شمار کے مطابق کورونا انفیکشن کے 13،586 نئے کیسز آنے سے متاثرین کی تعداد بڑھ کر 3،80،532 ہوگئی ہے۔ گذشتہ 24 گھنٹوں کے دوران 336 افراد مرچکے ہیں ۔جمعرات کو ان اموات کی تعداد 334 تھی جبکہ بدھ کے روز یہ تعداد 2003 تھی۔ اس بیماری سے مرنے والوں کی تعداد بڑھ کر 12،573 ہوگئی ہے۔ اس وقت ملک میں کورونا کے 1،63،248 فعال کیسز موجود ہیں اور مزید 10،386مریضوں کےبازیاب ہونے کے ساتھ صحت مند لوگوں کی تعداد بڑھ کر 2،04،711 ہوگئی ہے۔


کورونا وبا سے سب سے زیادہ متاثر مہاراشٹر میں پچھلے 24 گھنٹوں کے دوران کووڈ 19 کے 3752 کیسز درج کئے گئے اور 100 لوگوں کی موت ہوئی۔ اس کے ساتھ ہی ریاست میں متاثرین کی تعداد بڑھ کر 1،20،504 اور مرنے والوں کی تعداد بڑھ کر 5751 ہوگئی ہے۔ اس دوران ریاست میں 1672 لوگ ٹھیک ہوئے ہیں جس کے بعد صحت مند افراد کی تعداد بڑھ کر 60،838 ہوگئی ہے۔ کورونا وائرس سے متاثر تملناڈو دوسرے نمبر پر ہے جہاں متاثرین کی تعداد 52،334 پر پہنچ گئی ہے یہاں اب تک اس انفیکشن سے 625 لوگوں کی موت ہوچکی ہے۔ ریاست میں 28،641 مریضوں کو علاج کے بعد اسپتالوں سے فارغ کیا جاچکا ہے۔



راجدھانی دہلی میں کورونا کی وجہ سے صورتحال مسلسل خراب ہو رہی ہے۔ یہاں کورونا متاثرین کی تعداد 50 ہزار کے قریب پہنچ چکی ہے اور یہ ملک میں تیسرے نمبر پر ہے۔ دہلی میں کورونا متاثرین کی تعداد 49،979 ہے اور گذشتہ 24 گھنٹوں کے دوران اس انفکیشن سے 65 افراد کی موت کے بعد مرنے والوں کی مجموعی تعداد 1969 ہوگئی ہے جو مہاراشٹر کے بعد دوسرے نمبر پر ہے۔ راجدھانی میں 21،341 مریضوں کو علاج کے بعد اسپتالوں سے فارغ کردیا گیا ہے۔ ملک کی مغربی ریاست گجرات متاثرہ کوویڈ 19 کی تعداد کے لحاظ سے چوتھے نمبر پر ہے لیکن اموات کے لحاظ سے یہ مہاراشٹر اور دہلی کے بعد تیسرے نمبر پر ہے۔ گجرات میں اب تک 25،601 افراد اس وائرس سے متاثر ہوچکے ہیں اور 1591 افراد لقمہ اجل بن چکے ہیں۔ ریاست میں 17،819 افراد اس مرض سے ٹھیک بھی ہوئے ہیں۔ آبادی کے لحاظ سے ملک کی سب سے بڑی ریاست اترپردیش میں اب تک کورونا انفیکشن کے 15،181 معاملات درج ہوئے ہیں جن میں 465 افراد لقمہ اجل بن چکے اور 9239 مریض صحت مند ہوئے ہیں۔

راجستھان میں بھی کورونا کا قہر برپا ہے۔ یہاں متاثرین کی تعداد 13،857 تک پہنچ چکی ہے۔ اب تک 323 افراد کی موت ہوچکی ہے جبکہ 10،742 افراد پوری طرح سے صحت مند ہوئے ہیں۔ مغربی بنگال کورونا متاثرین کی تعداد کے لحاظ سے آج مدھیہ پردیش سے آگے نکل گیا۔ ریاست میں 12،735 افراد کورونا وائرس سے متاثر ہوئے ہیں جن میں518 افراد ہلاک اور 7001 افراد بازیاب ہوچکے ہیں۔ مدھیہ پردیش میں 11،426 افراد کورونا سے متاثر ہوئے ہیں۔یہاں 486 افراد کی موت اور 8632 افراد بازیاب ہوئے ہیں۔ جنوبی ہندوستان کی ریاست کرناٹک میں 7944 اور آندھرا پردیش میں 7518 افراد متاثر ہوئے ہیں اور ان ریاستوں میں اموات کی تعداد بالترتیب 114 اور 92 ہے۔ مرکز کے زیرانتظام ریاست جموں و کشمیر میں متاثرین کی تعداد بڑھ کر 5555 ہوگئی ہے اور اب تک 71 لوگوں کی جانیں جا چکی ہیں۔ ہریانہ میں 134 ، پنجاب میں 83 ، بہار میں 44 ، اتراکھنڈ میں 26 ، کیرالہ میں 21 ، اڈیشہ اور جھارکھنڈ میں 11-11 ، چھتیس گڑھ میں 10 ، آسام میں نو ، ہماچل پردیش میں آٹھ ، پڈوچیری میں سات ، چنڈی گڑھ میں چھ، تریپورہ ، لداخ اور میگھالیہ میں ایک ایک شخص کی موت ہوئی ہے۔
First published: Jun 19, 2020 12:05 PM IST
corona virus btn
corona virus btn
Loading