ہوم » نیوز » وطن نامہ

کورونا ویکسین کیلئے کرانا ہوگا رجسٹریشن ، مرکزی حکومت نے بتایا پورا پروسیس

مرکزی وزارت برئے صحت نے کورونا ویکسین سے معتلق پوچھے جارہے سوالات کی ایک فہرست بنائی تھی ، جس پر ایک ایک کرکے جواب دیا گیا ہے ۔ وزارت نے کہا کہ جس کو بھی ٹیکہ لگوانا ہے ، اس کو آن لائن رجسٹریشن کرانا ہوگا ۔

  • Share this:
کورونا ویکسین کیلئے کرانا ہوگا رجسٹریشن ، مرکزی حکومت نے بتایا پورا پروسیس
کورونا ویکسین کیلئے کرانا ہوگا رجسٹریشن ، مرکزی حکومت نے بتایا پورا پروسیس ( علامتی تصویر )

گزشتہ نو ماہ سے کورونا وائرس کے سائے میں زندگی گزار رہے لوگوں کو اب ویکسین کی امید ہے ۔ لوگ امید کررہے ہیں کہ ویکسین کے ساتھ اس وبا کے برے دور کا خاتمہ ہوگا ۔ اب وزارت صحت نے جمعہ کو بتایا کہ کورونا ویکسینیشن مرضی پر منحصر ہوگا ، جس کو بھی ٹیکہ لگوانا ہے ، اس کو آن لائن رجسٹریشن کروانا ہوگا ۔ دراصل وزارت نے کورونا ویکسین سے متعلق پوچھے جارہے سوالات کی فہرست بنائی تھی ، جس پر ایک ایک کرکے جواب دیا گیا ہے ۔


وزارت نے کہا کہ کورونا ویکسینیشن مرضی کی بنیاد پر کیا جائے گا ۔ حالانکہ یہ مشورہ دیا جاتا ہے کہ ویکسین کا پورا ڈوز لیں ۔ اس سے آپ خود کو بیماری سے دور رکھ سکیں گے اور ساتھ ہی اس کے پھیلنے سے دوسروں کو بھی بچا سکیں گے ۔ وزارت نے بتایا ہے کہ کئی ویکسین اپنے فائنل اسٹیج کے مختلف مراحل میں ہیں ۔ بھارت بایوٹیک ۔ آئی سی ایم آر سمیت چھ ویکسین کا ذکر کیا گیا ۔


ویکسین کتنی محفوظ ہے ، اس سوال کے جواب میں وزارت نے کہا ہے کہ کوئی بھی ویکسین ریگولیٹری اتھاریٹی کی منظوری کے بعد ہی لوگوں کو دی جائے گی ۔ تحفظ سے متعلق سبھی معیارات پورے کئے جائیں گے ۔ حالانکہ دیگر ویکسین کی طرح کورونا ویکسین کے بھی کامن سائیڈ افیکٹ ہوسکتے ہیں جیسے بخار ، درد وغیرہ ۔ دو ڈوز میں دی جانے والی ویکسین 28 دنوں کے وقفہ پرلینی ہوگی ۔


ریاستوں کو ویکسین سے متعلق سائیڈ افیکیٹ کو لے کر بھی تیار رہنے کی تاکید

بتایا گیا کہ ریاستوں کو ویکسین سے متعلق سائیڈ افیکٹس کو لے کر بھی تیار رہنے کی تاکید کی گئی ہے ۔ اس کو بھی محفوظ ویکیسن ڈیلیوری کا ایک حصہ مانا گیا ہے ۔ وزارت نے یہ بھی بتایا کہ کینسر ، ڈائبٹیز ، بی پی جیسے مرضوں کا پہلے سے علاج کروا رہے لوگوں کو ویکسین ترجیحی بنیاد پر دی جائے گی کیونکہ یہ لوگ ہائی رسک زون میں ہیں ۔
Published by: Imtiyaz Saqibe
First published: Dec 18, 2020 11:26 PM IST