ہوم » نیوز » شمالی ہندوستان

چھٹھ پوجا کی اجازت مانگنے پر ہائی کورٹ نے کہا۔ تہوار منانے کے لئے زندہ رہنا ضروری

غور طلب ہے کہ دہلی حکومت نے عوامی جگہوں پر چھٹھ پوجا کرنے کی اجازت نہیں دی ہے۔ اس کے بعد پوجا کی اجازت کے لئے ہائی کورٹ میں ایک عرضی داخل کی گئی ہے۔

  • Share this:
چھٹھ پوجا کی اجازت مانگنے پر ہائی کورٹ نے کہا۔ تہوار منانے کے لئے زندہ رہنا ضروری
چھٹھ پوجا کی اجازت مانگنے پر ہائی کورٹ نے کہا۔ تہوار منانے کے لئے زندہ رہنا ضروری

نئی دہلی۔ کورونا وائرس (Coronavirus) انفیکشن کے بڑھتے کیس کے پیش نظر دہلی میں عوامی مندروں، گھاٹوں (Ghat) اور میدانوں میں چھٹھ پوجا کی اجازت دئیے جانے سے دہلی ہائی کورٹ (Delhi High Court) نے انکار کر دیا ہے۔ ایک عرضی پر سماعت کرتے ہوئے ہائی کورٹ نے کہا کہ تہوار کے لئے زندہ رہنا ضروری ہے۔ غور طلب ہے کہ دہلی حکومت نے عوامی جگہوں پر چھٹھ پوجا (Chhath Puja) کرنے کی اجازت نہیں دی ہے۔ اس کے بعد پوجا کی اجازت کے لئے ہائی کورٹ میں ایک عرضی داخل کی گئی ہے۔


اس سال چھٹھ تہوار 18 نومبر سے 21 نومبر تک منایا جائے گا۔ 18 نومبر کو اس کی شروعات ہو گئی ہے۔ پولیس اور انتظامی حکام کو چھٹھ تہوار سے پہلے اپنے علاقوں کے مذہبی اور سماجی لیڈروں اور چھٹھ پوجا کمیٹیوں کے ساتھ میٹنگ کرنے کی بھی ہدایت دی گئی ہے۔


پچھلے سال 565 جگہوں پر ہوئی تھی پوجا

حکومت کے ذریعہ دہلی میں پچھلے سال 565 جگہوں پر چھٹھ پوجا کا انعقاد کیا گیا تھا۔ غور طلب ہے کہ 2018 میں دہلی میں 268 گھاٹوں پر چھٹھ پوجا کا انعقاد کیا گیا تھا جبکہ 50 جگہوں پر مستقل طور سے چھٹھ گھاٹوں کی تعمیر کی گئی تھی۔ چھٹھ گھاٹوں کی تعمیر اور اس کی تیاریوں کے لئے ایک نگرانی کمیٹی بنائی گئی تھی جس میں رکن اسمبلی سنجیو جھا، تیرتھ یاترا وکاس سمیتی کے صدر کمل بنسل اور سینچائی اور سیلاب کنٹرول محکمہ کے حکام رکن کے طور پر شامل تھے۔




خیال رہے کہ گزشتہ 24 گھنٹوں میں دہلی میں سب سے زیادہ فعال کیسز 1876 کا اضافہ ہوا ہے ۔ قومی راجدھانی میں فعال کیسز کی تعداد اب 42,004 ہو گئی ہے۔ اسی دوران یہاں مزید 99 مریضوں کی موت کے ساتھ اس وبا سے ہلاکتوں کی تعداد بڑھ کر 7812 ہو گئی ہے جبکہ 4.45 لاکھ سے زائد مریض ابھی تک وائرس سے نجات پا چکے ہیں۔
Published by: Nadeem Ahmad
First published: Nov 18, 2020 04:35 PM IST
corona virus btn
corona virus btn
Loading