کورونا کے ساتھ انفلوئنزہ کے کیسیز میں اضافہ ،ماسک لگانے کی صلاح، سی ایم آج لیں گے جائزہ اجلاس

دارالحکومت دہلی میں کورونا اور انفلوئنزہ فلو کے بڑھتے کیسیز کو دیکھتے ہوئے لوگوں کو ماسک پہننے کی صلاح دی گئی ہے۔ وزیراعلیٰ اروند کجریوال جمعہ کو محکمہ صحت کے عہدیداروں کے ساتھ جائزہ اجلاس منعقد کریں گے۔ جمعرات کو دہلی سکریٹریٹ میں وزیر صحت سوربھ بھردواج نے بتایا کہ کورونا کے بڑھتے کیسیز کو دیکھتے ہوئے کسی بھی ایمرجنسی صورتحال سے نمٹنے کے لیے کجریوال حکومت پوری طرح سے تیار ہے۔

انفیکشن کی شرح یقینی طور پر 10 فیصد سے زیادہ ہے، لیکن ابھی جانچ بہت کم تعداد میں کی جا رہی ہیں، اس لیے انفیکشن کی شرح کا صحیح طور پر پتہ نہیں چل رہا ہے۔ تاہم دہلی والوں کو گھبرانے کی ضرورت نہیں ہے۔ ہمیں صرف محتاط اور ذمہ دار رہنا ہے۔ جمعہ کو دوپہر 12 بجے وزیر اعلیٰ نے محکمہ صحت کے ساتھ کورونا کی صورتحال پر جائزہ میٹنگ رکھی ہے۔ اس میں موک ڈرل کے نتائج وزیر اعلیٰ کو پریزنٹیشن کے ذریعے دکھائے جائیں گے۔ دوسری ریاستوں میں کورونا کے حوالے سے اب تک کی تیاریاں اور کس طرح سے کورونا کیسیز بڑھ رہے ہیں۔ لوگوں پر کیا اثر پڑتا ہے اس کے بارے میں بھی معلومات دی جائیں گی۔

مرکزی حکومت کی جانب سے جاری گائیڈلائنس میں چھ ریاستوں کے بارے میں کہا گیا ہے، جہاں کورونا کے کیسیز بڑھ رہے ہیں۔ اس میں مہاراشٹر، گجرات، تلنگانہ، تمل ناڈو، کیرل اور کرناٹک شامل ہیں۔ مہاراشٹرمیں کورونا کے کیسیز بڑھنے کے دو تین ہفتوں کے بعد دہلی میں بھی کیسیز بڑھنے شروع ہوجاتے ہیں۔ میٹروپولیٹن کا پیٹرن ایک جیسا ہوتا ہے۔ جس طرح سے ممبئی میں انٹرنیشنل فلائٹس زیادہ آتی ہیں، اسی طرح دہلی میں بھی بین الاقوامی فلائٹس کا آنا جانا بہت زیادہ ہوتا ہے۔

حکومت نے جاری کیے گائیڈلائنس

حکومت نے گائیڈلائنس جاری کرتے ہوئے کہا ہے کہ جن لوگوں کو بھی انفلوئنزہ یا فلو جیسی علامات ہیں، وہ لوگ ماسک ضرور پہنیں۔ اسپتال کے اندر بھی ماسک ضرور لگائیں۔

یہ بھی پڑھیں:

کورونا کے بڑھتے معاملات نے بڑھائی تشویش، 10۔11 اپریل کو ملک بھر میں ماک ڈرل

یہ بھی پڑھیں:

ملک میں کووڈ کے 1890 نئے کیس، مہاراشٹر اور گجرات میں 2-2 اموات

محکمہ کررہا ہے نگرانی

محکمہ صحت کی جانب سے صورتحال پر روزانہ نظر رکھی جارہی ہے۔ اسپتال انتظامیہ کو پوری مستعدی کے ساتھ تیاریوں کو برقرار رکھنے کے احکامات دئیے گئے ہیں۔ ضرورت پڑنے پر ہم گزشتہ مرتبہ کی طرح اسپتال و آس پاس کے وسائل کا استعمال کرتے ہوئے کوویڈ بستروں کی تعداد کو کئی ہزار تک بڑھاسکتے ہیں۔