ہوم » نیوز » عالمی منظر

کورونا سے لڑنے کے لیے صرف ویکسین کے انتظار میں بیٹھے رہنا بے معنی: ڈبلیو ایچ او

ڈبلیو ایچ او کے ڈائریکٹر جنرل نے پیر کو مشرقی بحیرہ روم کے خطہ کی علاقائی کمیٹی کو خطاب کرتے ہوئے کہا کہ دنیا بھر میں کورونا انفیکشن کے معاملے میں اضافہ ہورہا ہے اور تمام ممالک کو ابھی چوکنا رہنے کی ضرورت ہے۔ کووڈ-19 وائرس اب بھی پھیل رہا ہے اور کئی لوگوں کے اس کی زد میں آنے کا شبہ ہے۔

  • UNI
  • Last Updated: Oct 12, 2020 06:48 PM IST
  • Share this:
کورونا سے لڑنے کے لیے صرف ویکسین کے انتظار میں بیٹھے رہنا بے معنی: ڈبلیو ایچ او
فائل فوٹو

جینیوا/نئی دہلی۔ عالمی ادارہ صحت(ڈبلیو ایچ او) کے ڈائریکٹر جنرل ٹریڈوس اڈانوس گیبرسس نے آج کہا کہ کورونا وائرس کووڈ-19 کے خلاف لڑنے کے لیے صرف ویکسین کے انتظار میں بیٹھے رہنا بے معنی ہے بلکہ اس کے انفیکشن کو پھیلنے سے روکنے کے لیے جو بھی انتظامات ابھی موجود ہیں، ان کا بھر پور استعمال کرنا چاہیے۔


ڈبلیو ایچ او کے ڈائریکٹر جنرل نے پیر کو مشرقی بحیرہ روم کے خطہ کی علاقائی کمیٹی کو خطاب کرتے ہوئے کہا کہ دنیا بھر میں کورونا انفیکشن کے معاملے میں اضافہ ہورہا ہے اور تمام ممالک کو ابھی چوکنا رہنے کی ضرورت ہے۔ کووڈ-19 وائرس اب بھی پھیل رہا ہے اور کئی لوگوں کے اس کی زد میں آنے کا شبہ ہے۔ ایسی صورت میں صرف ویکسین کے انتظار میں بیٹھا نہیں جاسکتا ہے۔ موجودہ صحت نظام کا استعمال کرکے لوگوں کی زندگیاں بچانا ضروری ہے۔


انہوں نے کہا کہ اس کے لیے سب سے پہلے بڑے جلوس پر پابندی لگانی چاہیے۔ دنیا بھر میں کورونا انفیکشن کے معاملات کے تیزی سے بڑھنے کے پیچھے بڑے جلسے ہی ذمہ دار ہیں، اب چاہے وہ اسٹیڈیم میں جمع بھیڑ ہو، نائٹ کلب ہو، مذہبی مقامات ہوں یا دیگر بھیڑ بھاڑ والے مقامات۔ دوسری سب سے ضروری، جنہیں انفیکشن کے سبب زیادہ خطرہ ہو ان کی حفاظت کتنی ضروری ہے تاکہ صحت سسٹم پر کم بار پڑے اور جانیں بچائی جا سکیں۔


کورونا کے خلاف جنگ کا تیسرا سب سے ضروری ہتھیار لوگوں کو اور کمیونٹی کو انفیکشن کے تئیں بیدارکرنا ہے اور انہیں یہ بتانا ہے کہ کووڈ-19کے مطابق طریقوں کی پیروی کتنی ضروری ہے۔ چوتھی ضرورت ہے عوامی صحت کے شعبے میں کام کرنا یعنی کورونا متاثرین کی پہچان کرکے انہیں آئیسولیٹ کرنا، جانچ کرنا اور دیکھ بھال کرنا و ان کے رابطہ میں آئے ہوئے لوگوں کا پتہ کرکے انہیں کوارنٹائن کرنا۔
Published by: Nadeem Ahmad
First published: Oct 12, 2020 06:48 PM IST
corona virus btn
corona virus btn
Loading