உங்கள் மாவட்டத்தைத் தேர்வுசெய்க

    مدھیہ پردیش جمیعت علما کے ذریعہ بھوپا ل میں کھولا گیا ماسک و سنیٹائزر بینک، عوام کے لئے بڑی راحت

    مدھیہ پردیش جمیعت علما کے ذریعہ بھوپا ل میں کھولا گیا ماسک و سنیٹائزر بینک عوام کے لئے بڑی راحت پہنچانے کا کام کر رہا ہے۔

    مدھیہ پردیش جمیعت علما کے ذریعہ بھوپا ل میں کھولا گیا ماسک و سنیٹائزر بینک عوام کے لئے بڑی راحت پہنچانے کا کام کر رہا ہے۔

    مدھیہ پردیش حکومت نے کورونا وائرس کے تئیں بیداری کو لیکر جہاں مہم تیز کردی ہے۔ وہیں کووڈ۱۹ کی خلاف ورزی کرنے والوں کے خلاف سحت کاروائی بھی جا ری ہے ۔ پولیس کی کاروائی میں ماسک نہیں پہننے والوں پر ہزار سے دو ہزار روپیہ تک جرمانہ بھی لگایا جا رہا ہے۔ ایسے میں مدھیہ پردیش جمیعت علما کے ذریعہ بھوپا ل میں کھولا گیا ماسک و سنیٹائزر بینک عوام کے لئے بڑی راحت پہنچانے کا کام کر رہا ہے۔

    • Share this:
    مدھیہ پردیش میں حکومت کی تمام کوششوں کے باوجود کورونا وائرس کا قہر جاری ہے۔ ریاست میں کورونا وائرس مریضوں کی تعداد دو لاکھ سے متجاوز ہوگئی ہے۔ 71 دنوں میں جہاں کورونا وائرس کے ایک لاکھ سے مریض سامنے آئے ہیں۔ مدھیہ پردیش حکومت نے کورونا وائرس کے تئیں بیداری کو لیکر جہاں مہم تیز کردی ہے۔ وہیں کووڈ۱۹ کی خلاف ورزی کرنے والوں کے خلاف سحت کاروائی بھی جا ری ہے ۔ پولیس کی کاروائی میں ماسک نہیں پہننے والوں پر ہزار سے دو ہزار روپیہ تک جرمانہ بھی لگایا جا رہا ہے۔ ایسے میں مدھیہ پردیش جمیعت علما کے ذریعہ بھوپا ل میں کھولا گیا ماسک و سنیٹائزر بینک عوام کے لئے بڑی راحت پہنچانے کا کام کر رہا ہے۔
    بھوپال موتی مسجد کے پاس قائم کئے گئے جمعیت علما ایم پی کے ماسک و سنیٹائزر بینک عوام کو مفت ماسک کے ساتھ سنیٹائزر بھی تقسیم کئے جارہے ہیں۔ ماسک و سنیٹائزر بینک کی افتتاح تقریب کے موقع پر بھوپال گرودوارہ پربندھک کمیٹی کے سربراہ گیانی دلیپ سنگھ نے شرکت کی۔

    گیانی دلیپ سنگھ کا کہنا ہے کہ جمعیت علما نے جو قدم اٹھایا ہے وہ نہ صرف وقت کی ضرورت ہے بلکہ کورونا کے قہر میں غریبوں کے لئے ایک وردان بھی ہے ۔ ہم نے خود بھی ماسک بینک میں ماسک اور سنیٹائزر تحفہ میں پیش کیاہے اور آگے بھی پیش کرتے رہیں گے۔ اسی کے ساتھ ہم نے یہ بھی گزارش کی ہے کہ شہر میں جہاں جہاں پولیس چیکنگ کے نام پر غریب لوگوں سے ماسک نہیں ہونے کے سبب ہزار دو ہزار کا چالان کاٹ رہی ہے وہاں پر ماسک رکھے جائیں اور وہاں پر اگر کسی بھائی کے پاس بھول سے ماسک نہیں ہے تو اس کا چالان نہ کاٹ کر اسے پولیس کے ذریعہ ماسک پہنایا جائے تو اچھا ہوگا۔

    مدھیہ پردیش جمعیت علما کے سکریٹری محمد کلیم ایڈوکیٹ کہتے ہیں کہ ماسک بینک کو ابھی ہم نے بھوپال میں شروع کیا ہے مگر اس کی اہمیت اور افادیت جس طرح سے نکل کر ہمارے سامنے آرہی ہے اسے دیکھتے ہوئے ہم نے ماسک بینک کو پورے مدھیہ پردیش میں کھولنے کا فیصلہ کیا ہے ۔ ماسک بینک سے بلا لحاظ قوم و ملت سبھی لوگ مفت میں ماسک اور سنیٹائزر حاصل کر سکتے ہیں ۔ ہمارا مقصد انسانوں کی خدمت کرنا اور خدمت سے خدا کو تلاش کرنا ہے ۔
    Published by:sana Naeem
    First published: