بڑی خبر: دہلی پولیس کے جوانوں پر ISIS کے مشتبہ دہشت گرد کر سکتے ہیں حملہ

راجدھانی دہلی میں کورونا وائرس Covid19 کے خطرے کی وجہ سے لاک ڈاؤن جاری ہے۔ اس کے علاوہ یہاں دفعہ 144 بھی نافذ ہے۔ اس وجہ سے راجدھانی دہلی میں پولیس اہلکارو ں کو تعینات کیا گیا ہے۔ اسی دوران اہم جانکاری سامنے آئی ہے کہ ان پولیس اہلکاروں پر دہشت گرد تنظیم آئی ایس آئی ایس (ISIS) حملہ کروا سکتی ہے۔ اس تنظیم کے مشتبہ دہشت گرد اس طرح کی واردات کرنے کی فراق میں ہیں۔

دہلی  میں قانونی نظام کو بنائے رکھنے کیلئے تعینات پولیس اہلکاروں کے تحفظ کیلئے اعلی افسران بھی الرٹ ہیں۔ دہلی پولیس اسپیشل سیل کے ڈی سی پی نے اس تعلق سے فیلڈ میں تعینات پولیس اہلکاروں کو اطلاع دینے کی بات کہی ہے۔

Police personnel deployed at various pickets/barricades in Delhi in connection with maintaining of law&order in Delhi regarding outbreak of #COVID19 may be targeted by suspected ISIS operatives.Field staff may be briefed accordingly:Delhi Dy. Commissioner of Police (Special Cell) pic.twitter.com/g5lTgmQdnS

— ANI (@ANI) March 31, 2020

غورطلب ہے کہ دہلی سمیت پورے ملک میں 21 دنوں کا لاک ڈاؤن نافذ ہے۔ اس وجہ سے  بڑی تعداد میں پولیس اہلکاروں کو اس کو سختی سے عمل میں لانے کیلئے مسلسل کام کرہے ہیں۔ اس کے علاوہ دہلی پولیس ضرورت پڑنے پر عام لوگوں کی مدد بھی کررہی ہے۔ دہلی پولیس نے ویسے لوگوں کی بھی مدد کی ہے جن کے پاس راشن موجو نہیں تھا۔