ماسک لگاکر لوک سبھا پہنچے پی ایم مودی، وزیر صحت بولے، کورونا کے نئے ویریئنٹ پر ہماری سخت نظر ہے، ماسک پہنئے

نئی دہلی: پارلیمنٹ میں سرمائی اجلاس جاری ہے اور آج ایوان کی کارروائی کا 12 واں دن ہے۔ چین سرحدی تنازع پر پارلیمنٹ میں آج بھی ہنگامہ ہوا۔ راجیہ سبھا اور لوک سبھا کی کارروائی آج یعنی جمعرات کو صبح 11 بجے دوبارہ شروع ہوئی۔ لوک سبھا کی کارروائی شروع ہوتے ہی اسپیکر اوم برلا نے سب سے پہلے ایوان کے ارکان سے ماسک پہننے کی اپیل کی۔ اس کے ساتھ ہی اپوزیشن نے آج پورے دن راجیہ سبھا کا بائیکاٹ کیا ہے۔

آپ کو بتاتے چلیں کہ قبائلی امور کے مرکزی وزیر ارجن منڈا راجیہ سبھا میں آئین (شیڈولڈ ٹرائب) آرڈر 1950 میں ترمیم کے لیے مزید تین بل پیش کرنے والے ہیں۔ اس میں تمل ناڈو، ہماچل پردیش اور کرناٹک میں درج فہرست قبائل کی فہرست پر نظر ثانی کی بات کی گئی ہے۔ یہ تینوں بل لوک سبھا سے پاس ہو چکے ہیں۔ آج بھی اپوزیشن نے پارلیمنٹ ہاؤس کے باہر مظاہرہ کیا۔ تو آئیے جانتے ہیں پارلیمنٹ کی کارروائی سے متعلق تمام تازہ ترین اپ ڈیٹس۔

راجیہ سبھا میں مرکزی وزیر صحت منسکھ منڈاویہ نے کہا کہ ہمارے پاس کورونا سے لڑنے کی پوری تیاری ہے۔ انہوں نے کہا کہ آنے والے تہواروں کے پیش نظر ماسک پہننا چاہیے۔ بیرون ملک سے آنے والے ہوائی مسافروں کے رینڈم سیمپلنگ شروع کر دی گئی ہے۔
مرکزی وزیر صحت منسکھ منڈاویہ کے بیان کے بعد لوک سبھا کی کارروائی 4 بجے تک ملتوی کر دی گئی ہے۔

اب 10 بجے سے کھلیں گے یوپی کے تمام اسکول صرف ان طلبا کیلئے تبدیل کیا گیا وقت

چین میں جاری کورونا قہر سے ہندوستان میں بھی ٹینشن! پی ایم مودی آج کریں گے ہائی لیول میٹنگ

حکومت ہند کورونا کے حوالے سے الرٹ ہو گئی ہے۔ اس کا اندازہ اس بات سے لگایا جا سکتا ہے کہ پی ایم مودی آج ماسک پہن کر پارلیمنٹ پہنچے۔ ہندوستان کی تمام ریاستوں میں کورونا کے بڑھتے ہوئے خطرے کے حوالے سے الرٹ جاری کر دیا گیا ہے۔ کورونا کے حوالے سے نئی ہدایات بھی جاری کی جا سکتی ہیں۔