ہوم » نیوز » وطن نامہ

دوسری لہر میں کورونا سے متاثر بچوں کا ڈیٹا جمع کرنے پی ایم مودی نے افسران کو دی ہدایت، بولے وائرس شکل تبدیل کرنے میں ماہر ہے نظر رکھنی ہوگی

وزیر اعظم نے افسران کو ہدایت کی کہ وہ اپنے اپنے اضلاع میں کورونا انفیکشن میں مبتلا بچوں اور نوجوانوں کے ڈیٹا جمع کریں اور اس کا جائزہ لیں۔

  • Share this:
دوسری لہر میں کورونا سے متاثر بچوں کا ڈیٹا جمع کرنے پی ایم مودی نے افسران کو دی ہدایت، بولے وائرس شکل تبدیل کرنے میں ماہر ہے نظر رکھنی ہوگی
وزیر اعظم نے افسران کو ہدایت کی کہ وہ اپنے اپنے اضلاع میں کورونا انفیکشن میں مبتلا بچوں اور نوجوانوں کے ڈیٹا جمع کریں اور اس کا جائزہ لیں۔

نئی دہلی: وزیر اعظم نریندر مودی (Narendra Modi) نے جمعرات کو کہا کہ مرکزی حکومت ریاستوں سے ویکسینیشن  (Corona Vaccination) کی حکمت عملی کے بارے میں موصولہ تمام تجاویز کو آگے بڑھا رہی ہے اور اس کو دھیان میں رکھتے ہوئے  مرکزی وزارت صحت ریاستوں کو اگلے 15 دن تک ویکسین کی خوراک کی اطلاع فراہم کرے گی۔  اس دوران  انہوں نے افسران کو ہدایت کی کہ وہ اپنے اپنے اضلاع میں کورونا انفیکشن میں مبتلا بچوں اور نوجوانوں کے ڈیٹا جمع کریں اور اس کا جائزہ لیں۔ پی ایم مودی نے کہا کہ کورونا وائرس شکل کو تبدیل کرنے میں بہت ماہر ہے۔ لہذا اس پر کڑی نظر رکھنی ہوگی۔ مستقبل میں  ویکسین کی فراہمی آسان ہوجائے گی اور اس سے ویکسینیشن کے پورے عمل کو بھی آسان بنانے میں مدد ملے گی۔


وزیر اعظم نے کہا کہ دوسری لہر کے درمیان وائرس کی تبدیلی کی وجہ سے اب نوجوانوں اور بچوں کے لئے مزید تشویش کا اظہار کیا جارہا ہے۔ جس طرح آپ نے میدان میں کام کیا ہے اس سے اس تشویش کو سنگین ہونے سے بچانے میں مدد ملی ہے لیکن ہمیں مستقبل کے لئے تیار رہنا ہوگا۔


وزیر اعظم نریندر مودی ویڈیو کانفرنس کے ذریعے چھتیس گڑھ ، ہریانہ ، کیرالہ ، مہاراشٹر ، اڈیشہ ، پڈوچیری ، راجستھان ، اترپردیش ، مغربی بنگال اور آندھرا پردیش کے ضلعی عہدیداروں اور نچلی سطح کے عہدیداروں سے بات چیت کر رہے تھے۔ معلوم ہو کہ مہاراشٹر اور اتر پردیش سمیت کچھ ریاستوں میں کووڈ 19 کیس تیزی سے بڑھ رہے ہیں۔

وزیر اعظم نے کہا کہ اپنی زندگی سے ٹھیک طریقے سے کام کریں اور باقاعدگی سے موثر پالیسیاں نافذ کرنے میں مدد کریں۔ وزیر اعظم نے کہا کہ پچھلی وبائی بیماریاں ہوں یا پھر یہ وقت ہر وبا نے ہمیں ایک چیز سکھائی ہے۔ وبا سے نمٹنے کے ہمارے طریقوں میں مستقل تبدیلی ، مستقل Innovation بہت ضروری ہے۔ یہ وائرس میوٹیشن میں، تبدیلی لانے میں ماہر ہے ، لہذا ہمارے طریقہ کار اور حکمت عملی بھی متحرک ہونی چاہئے۔

زندگی کو آسان بنائے رکھنے کی بھی ترجیح

ویکسینیشن کے تعلق سے پی ایم مودی نے کہا کہ ایک موضوع ویکسین ویسٹیج کا بھی ہے۔ ایک بھی ویکسین کی ویسٹیج کا مطلب ہے، کسی ایک زندگی کو ضروری سکیورٹی کوچ نہیں دے پانا۔ اس لئے ویکسین کو ضائع ہونے سے روکنا ضروری ہے۔



وزیر اعظم نے کہا کہ زندگی کو بچانے کے علاوہ ، ہماری ترجیح زندگی کو آسان بنانا بھی ہے۔ غریبوں کے لئے مفت راشن کی سہولیات ہونی چاہئیں ، دیگر ضروری سامان ، بلیک مارکیٹنگ کو روکا جائے ، یہ جنگ جیتنا بھی ضروری ہے ، اور آگے بڑھنا بھی ضروری ہے۔
Published by: Sana Naeem
First published: May 20, 2021 06:58 PM IST