ڈونلڈ ٹرمپ نے ڈبلیو ایچ او پرپھرایک بارلگایا سنگین الزام،کہا۔چین کے کہنے پرکیا یہ کام

واشنگٹن : چین سے پوری دنیا میں پھیلے ہوئے کورونا وائرس کے انفیکشن نے امریکہ جیسے طاقتور ممالک کو بھی گھٹنوں کے بل کھڑا کردیا ہے۔ امریکہ میں کورونا وائرس سے مرنے والے افراد کی تعداد میں تیزی سے اضافہ ہورہا ہے۔جس سے برہم ، امریکی صدر ڈونلڈ ٹرمپ نے عالمی ادارہ صحت یعنی ورڈرلڈ ہیلتھ آرگنا ئزیشن (WHO) پر الزامات لگاتے ہوئے کہا کہ کہ وہ ان کو دیئے جارہے فنڈس کو روک دیں گے۔ ٹرمپ نے الزام لگایا ہے کہ ڈبلیو ایچ او نے کوویڈ 19 کی سنگینی کو چین کے کہنے پر دنیا سے چھپا رکھا تھا۔ جس کی وجہ سے یہ وباء آج پوری دنیا میں پھیل چکی ہے۔

"The reality is that the WHO failed to adequately obtain, vet, and share information in a timely and transparent fashion." pic.twitter.com/2t5ipAeixQ

— The White House (@WhiteHouse) April 14, 2020

امریکی صدر کے مطابق ، ڈبلیو ایچ او نے اس سنگین وبا کے بارے میں دنیا سے اہم باتیں چھپائی اور اس معاملے میں شفافیت برقرار نہیں رکھی۔ انہوں نے کہا کہ امریکہ ، جو اقوام متحدہ کے اس ادارے کے لئے سب سےزیادہ فنڈنگ کرتاہے ، اب اس پر غور کرے گا کہ ڈبلیو ایچ او کو دی جانے والی رقم کو کس طرح استعمال کیا جاسکتا ہے۔ امریکہ نے پچھلے سال عالمی ادارہ صحت کو 400 ملین ڈالر دیئے تھے۔ ہم آپ کو بتادیں کہ ڈبلیو ایچ او کے ڈائریکٹر جنرل ، ٹیڈروس گیبریاسس نے کچھ دن پہلے کہا تھا کہ ایک دوسرے پر الزام لگانے سے اس وبا ء پر قابو نہیں پایاجاسکتاہے بلکہ اس سے ہلاکتوں کی تعداد میں اضافہ ہوگا۔

ٹرمپ نے کہا کہ ڈبلیو ایچ او کورونا وائرس کی شدت کو نہیں سمجھ سکتا۔ چین میں وائرس پھیلنے کے وقت ڈبلیو ایچ او نے اپنا کام ٹھیک سے نہیں کیا۔ ٹرمپ نے یہ بھی الزام لگایا کہ اقوام متحدہ کی اس ایجنسی نے دنیا میں چین میں پھیلے ہوئے وائرس کو چھپانے کے لئے کام کیا۔ اس سے قبل بھی ٹرمپ نے ڈبلیو ایچ او پر چین کے حق میں ہونے کا الزام عائد کیا تھا۔