ہوم » نیوز » مغربی ہندوستان

ممبئی کے 100 مراکز پر مفت ہوگی ٹیکہ کاری ، بی ایم سی کی تیسرے مرحلے کے لئے تیاری

واضح رہے کہ مرکزی حکومت کی گائیڈ لائن کے بعد بی ایم سی ممبئی میں ٹیکہ کاری کے تیسرے مرحلے کی تیاریاں شروع کر دی ہیں اور تیسرے مرحلے کے لئے بی ایم سی اپنے ٹیکوں کے مراکز کی تعداد میں اضافہ کرنے جا رہی ہے۔

  • Share this:
ممبئی کے 100 مراکز پر مفت ہوگی ٹیکہ کاری ، بی ایم سی کی تیسرے مرحلے کے لئے تیاری
واضح رہے کہ مرکزی حکومت کی گائیڈ لائن کے بعد بی ایم سی ممبئی میں ٹیکہ کاری کے تیسرے مرحلے کی تیاریاں شروع کر دی ہیں اور تیسرے مرحلے کے لئے بی ایم سی اپنے ٹیکوں کے مراکز کی تعداد میں اضافہ کرنے جا رہی ہے۔

ممبئی: ملک بھر میں جاری کورونا ٹیکہ کاری مہم کے دوران ممبئی میونسپل کارپوریشن نے شہر کے 100 مراکز پر مفت ٹیکہ کاری شروع کرنے کا اعلان کیا ہے۔ ایڈیشنل میونسپل کمشنر سریش کاکانی نے بتایا کہ ممبئی میں بزرگ اور 45 سال سے زیادہ عمر کے اعصابی بیماریوں کے مریضوں کی تعداد 25 لاکھ کے قریب ہے اور ٹیکہ کاری شروع کرنے سے پہلے تیسرے مرحلے کے لئے ڈرائی رن بھی کرایا جائے گا۔ واضح رہے کہ مرکزی حکومت کی گائیڈ لائن کے بعد بی ایم سی ممبئی میں ٹیکہ کاری کے تیسرے مرحلے کی تیاریاں شروع کر دی ہیں اور تیسرے مرحلے کے لئے بی ایم سی اپنے ٹیکوں کے مراکز کی تعداد میں اضافہ کرنے جا رہی ہے۔ تقریباً 75 نئے ٹیکوں کے مراکز شروع کیے جائیں گے جس کے لئے بی ایم سی نے شہر اور مضافاتی علاقوں میں کچھ ڈسپنسریوں کا انتخاب کیا ہے۔ بی ایم سی کا مقصد اپنے مراکز کی مجموعی تعداد 100 تک بڑھانا ہے۔ ان مراکز میں 60 سال و اس سے زیادہ عمر کے بزرگ مریضوں اور 45 سال سے زیادہ عمر کے اعصابی بیماریوں کے شکار مریضوں کو مفت کورونا ویکسین پلائی جائے گی۔ بی ایم سی کے ایڈیشنل کمشنر سریش کاکانی نے واضح کیا ہے کہ تیسرے مرحلے کے لئے بھی اندراج لازمی ہوگا۔

واضح رہے کہ مرکزی حکومت نے ریاستوں کو یکم مارچ سے ٹیکہ کاری کا تیسرا مرحلہ شروع کرنے کی ہدایت کی ہے۔ اس مرحلے میں کورونا ویکسین 60 سال یا اس سے زیادہ عمر کے بزرگ اور 45 سال سے زیادہ عمر کے اعصابی مریضوں سرکاری اسپتالوں میں مفت تو وہیں نجی اسپتالوں میں فیس لے کر ٹیکہ لگایا جائے گا جس کے لئے بی ایم سی نے اپنی تیاریاں شروع کردی ہیں۔ ایڈیشنل کمشنر سریش کاکانی نے بتایا کہ تیسرے مرحلے میں 75 ٹیکہ کاری مراکز شروع کیے جائیں گے۔ ان مراکز میں سے کچھ بی ایم سی کی ڈسپنسریوں اور میٹرنیٹی ہوم ہوں گے۔ کاکانی نے بتایا کہ تیسرے مرحلے میں مراکز کی تعداد 100 ہوگی۔ انہوں نے یہ بھی بتایا کہ کوڈ کیئر سنٹر - 1 ، جو تمام وارڈوں میں نافذ کئے گئے تھے انہیں بھی ویکسینیشن کے لئے الرٹ رکھا گیا ہے۔


50 نجی اسپتالوں میں ٹیکہ کاری

ایڈیشنل میونسپل کمشنر نےکہا کہ آنے والے دنوں میں مہاتما جیوتی با پھولے اسکیم سے وابستہ کچھ نجی اسپتالوں میں بھی حفاظتی ٹیکوں کے مراکز شروع کردیئے جائیں گے۔ بی ایم سی نے ان مراکز کے ملازمین کو ٹیکہ کاری کی تربیت فراہم کرنے کی تیاریاں کرلی ہیں۔ ان اسپتالوں کی تعداد تقریباً 25 ہوگی ۔ اس کے علاوہ 22 نجی اسپتالوں کو پہلے ہی تیسرے مرحلے کی ٹیکہ کاری کی اجازت دے دی گئی ہے اور ان سبھی کو ملا کر تیسرے مرحلے میں شامل کریں تو 50 کے قریب نجی اسپتالوں میں عام لوگوں کورونا کے ٹیکے لگائے جائیں گے اور ان تمام مراکز میں لوگوں کو ایک ہی فیس پر ٹیکے لگائے جائیں گے۔


مرکز کا انتخاب کرسکیں گے
ویکسین کے رجسٹریشن کے دوران عام لوگ ویکسینیشن سینٹر کا انتخاب کرنے کی سہولت ہوگی۔ اس سہولت کے تحت عام افراد ویکسینیشن کے لئے اپنے گھر کے قریب ویکسینیشن سینٹر کا انتخاب کرسکیں گے۔ اس کے علاوہ واک ان سہولت بھی مہیا کی جائے گی تاکہ لوگوں کو ٹیکہ لگانے کیلئے ان کی تعداد کا انتظار نہ کرنا پڑے۔ سریش کاکانی نے بتایا کہ ممبئی میں 45 سال سے زیادہ عمر کے اعصابی مریضوں کی تعداد 25 لاکھ کے قریب ہے۔ کاکانی نے کہا کہ ویکسینیشن سے پہلے تیسرے مرحلے کے لئے ڈرائی رن بھی کرایا جائے گا۔
Published by: Sana Naeem
First published: Feb 26, 2021 05:26 PM IST