انکم ٹیکس افسر بن کر تاجر کے ساتھ دھوکہ دہی کے پانچ ملزم گرفتار

مدھیہ پردیس کے گوالیار ضلع کے گھاٹی گاوں میں ایک صرافہ تاجر سے انکم ٹیکس افسر بن کر دھوکہ دہی کرنے والے پانچ ملزمین کو گرفتار کرلیا گیا ہے۔

Oct 26, 2019 02:00 PM IST | Updated on: Oct 26, 2019 05:10 PM IST
انکم ٹیکس افسر بن کر تاجر کے ساتھ دھوکہ دہی کے پانچ ملزم گرفتار

علامتی تصویر

مدھیہ پردیس کے گوالیار ضلع کے گھاٹی گاوں میں ایک صرافہ تاجر سے انکم ٹیکس افسر بن کر دھوکہ دہی کرنے والے پانچ ملزمین کو گرفتار کرلیا گیا ہے۔

پولیس نے بتایا کہ ضلع کے موہنا کے رہنے والے کمل کشور سونی کی گھاٹی گاوں میں زیورات کی دکان ہے۔ جہاں 21 اکتوبرکو کچھ بدمعاش انکم ٹیکس افسر بن کر پہنچے اور دستاویزات کی جانچ کے بعد ملزمین نے سونی سے پانچ لاکھ روپے طلب کئے جس پر سونی نے انہیں پچا س ہزار روپے دے کر معاملہ کو رفع دفع کردیا۔ اس کے بعد بدمعاش وہاں سے چلے گئے۔ شبہ ہونے پر صرافہ تاجر نے اس کی اطلاع پولیس کو دی۔

پولیس نے انکوائری کے بعد اس معاملے میں ملوث پانچ ملزمین ادیتیہ سونی‘ دیویکا سونی‘ جمی ککریجا‘ بھوپندر کشواہا اور اسماعیل خان کو کل گرفتار کرلیا۔ گرفتار ملزمین میں سے ادیتیہ سونی صرافہ تاجر کا قریبی رشتہ دار بتایا گیا ہے جو اس دھوکہ دہی کا ماسٹر مائینڈ تھا۔ پولیس نے ملزمین کے خلاف دھوکہ دہی سمیت دیگر دفعات کے تحت معاملہ درج کرلیا ہے۔

Loading...

Loading...