پیٹ درد کا علاج کرانے کیلئے پہنچی نابالغ لڑکی کو ڈاکٹر نے بتایا حاملہ ، اڑ گئے سب کے ہوش

چھتیس گڑھ کے راج نند گاوں کے میڈیکل کالج اسپتال میں نابالغ کے حاملہ ہونے کی رپورٹ آنے کے بعد افراتفری مچ گئی ۔

Oct 20, 2019 09:15 PM IST | Updated on: Oct 20, 2019 09:15 PM IST
پیٹ درد کا علاج کرانے کیلئے پہنچی نابالغ لڑکی کو ڈاکٹر نے بتایا حاملہ ، اڑ گئے سب کے ہوش

علامتی تصویر

چھتیس گڑھ کے راج نند گاوں کے میڈیکل کالج اسپتال میں نابالغ کے حاملہ ہونے کی رپورٹ آنے کے بعد افراتفری مچ گئی ۔ بالود ضلع کے ڈونڈی لوہارا علاقہ سے پیٹ درد کی شکایت کے بعد علاج کرانے کیلئے آئی ایک نابالغ لڑکی کو ڈاکٹروں نے حاملہ بتایا ، جس کے بعد نابالغ کا اسقاط حمل کرایا گیا ۔ اس معاملہ میں پاکسو ایکٹ کے تحت کیس درج کرکے پولیس نے جانچ شروع کردی ہے ۔

راج نند گاوں پولیس سے ملی معلومات کے مطابق قانونی کارروائی کے بعد علاج کے دوران ہی نابالغ لڑکی کا اسقاط حمل کرایا گیا ۔ اس معاملہ میں راج نند گاوں کے بسنت پور تھانہ میں پاکسو ایکٹ کے تحت معاملہ درج کرنے کی کارروائی کی گئی ۔ بالود ضلع کے ایک نابالغ کو اس کے اہل خانہ نے پیٹ میں درد ہونے پر راج نندا گاوں میڈیکل کالج اسپتال میں داخل کرایا تھا ۔ اسپتال میں جانچ کے دوران پتہ چلا کہ لڑکی حاملہ ہے اور ڈاکٹروں نے اس کی زندگی بچانے کیلئے اسقاط حمل کیا ۔

Loading...

بسنت پور تھانہ انچارج راجیش ساہو کے مطابق ابتدائی تفتیش میں معاملہ کا ملزم متاثرہ کے گھر رہنے والا کرایہ دار نکلا ہے ۔ ملزم نے نابالغ کی آبروریزی کی اور اس کے بعد وہ فرار ہوگیا ۔ ملزم مدھیہ پردیش کے بالاگھاٹ کا رہنے والا بتایا جارہا ہے ۔ پولیس ملزم کی تلاش میں مصروف ہوگئی ہے ۔ راجیش ساہو نے بتایا کہ پولیس جلد از جلد ملزم کو گرفتار کرنے کی کوشش کررہی ہے ۔

Loading...
Listen to the latest songs, only on JioSaavn.com