سرکاری اداروں میں 58,626 تدریسی وغیرتدریسی آسامیاں خالی، تونظام تعلیم کی کیاہوگی صورتحال؟

وزارت تعلیم نے پارلیمنٹ میں مطلع کیا کہ حکومت کے زیر انتظام اداروں میں 58,626 تدریسی اور غیر تدریسی آسامیاں خالی ہیں، جن میں 29,276 تدریسی اسامیاں اور 29,350 غیر تدریسی آسامیاں شامل ہیں۔ اسکولوں میں تدریسی اور غیر تدریسی عہدوں پر بڑی تعداد میں آسامیاں کیوں خالی ہیں؟ اس بارے میں دراوڑ منیتر کزگم کے کالاندھی ویراسوامی کے ذریعہ اٹھائے گئے سوال کا جواب دیتے ہوئے ریاستی وزیر تعلیم سبھاس سرکار نے اس کا جواب دیا ہے۔

سبھاس سرکار نے کہا کہ آسامیاں ریٹائرمنٹ یا موجودہ استعفیٰ کی وجہ سے پیدا ہوتی ہیں۔ نئے سلسلے کی اپ گریڈیشن/منظوری کے ساتھ ساتھ طلبہ کی تعداد میں اضافہ سے نئے اساتذہ کی امید کی جاسکتی ہے۔

انھوں نے کہا کہ خالی آسامیوں کو بھرنا ایک مسلسل عمل ہے اور متعلقہ ادارے کے متعلقہ ریکروٹمنٹ رولز کی دفعات کے مطابق آسامیوں کو پر کرنے کی کوشش کی جاتی ہے۔ اساتذہ کو کیندریہ ودیالیہ سنگٹھن (KVS) اور نوودیا ودیالیہ سمیتی (NVS) کے ذریعے عارضی مدت کے لیے کنٹریکٹ کی بنیاد پر بھی رکھا گیا ہے تاکہ اس بات کو یقینی بنایا جا سکے کہ پڑھائی سیکھنے کے عمل میں کوئی رکاوٹ نہ آئے۔

یہ بھی پڑھیں: 

• ہندوستانی فوج میں افسروں کی 7000 سے زیادہ آسامیاں خالی! لوک سبھا میں وزیر دفاع کی وضاحت


• امریکی اور ہندوستانی اداروں کے درمیان 30 سے زائد نئی شراکت داریوں کا اعلان


• اردوصحافیوں کیلئے 40 انڈر 40 ایوارڈس کا پہلی باراعلان، یہ ہے درخواست دینا کاآسان طریقہ کار


• ترانوں کی بدولت اتحاد: سالانہ ون بیٹ ایکسچینج پروگرام دنیابھر سے موسیقاروں کو کرتا ہے یکجا


• کیسے بن سکتے ہیں ’اگنی ویر‘، بھرتی سے لے کر ٹریننگ تک، جانیے سب کچھ


• سنٹرل بینک آف انڈیا میں بھرتی کا نوٹیفکیشن، کئی اہم آسامیوں پر ہوگی تقرارت

سرکار نے یقین دلایا کہ حکومت کیندریہ ودیالیہ سنگٹھن میں خالی آسامیوں کو پُر کرنے پر توجہ مرکوز کر رہی ہے اور اس نے اس عمل کو تیز کرنے کے لیے اشتہارات لگائے ہیں۔

انہوں نے تحریری جواب میں کہا کہ تعلیم کے معیار اور کارکردگی کو یقینی بنانے کے لیے اساتذہ کو اپ ڈیٹ اور بااختیار بنانے کے لیے تربیتی پروگرام اور ورکشاپس بھی منعقد کی جاتی ہیں۔