افغانستان میں مردوں کا خواتین کے ساتھ اظہار یکجہتی، خواتین کی حمایت میں کلاسوں کا بائیکاٹ

افغانستان میں طالبات کو تعلیمی اداروں میں جانے کی اجازت نہ دینے کے طالبان کے اقدام کے خلاف کئی مردوں نے احتجاجاً کلاس رومز سے واک آؤٹ کیا ہے۔ افغانستان کی یونیورسٹیوں کے کئی پروفیسرز نے بھی خواتین کی حمایت میں واک آؤٹ کیا۔ اس سے قبل طالبان کے وزیر تعلیم نے حکومتی کالجوں اور یونیورسٹیوں میں خواتین کو پڑھنے سے روکنے کے فیصلے کا دفاع کیا تھا۔

وزیر تعلیم ندا محمد ندیم نے مزید کہا کہ حکومت کے تحت چلائی جانے والی یونیورسٹیوں میں جنس کے اختلاط کو روکنے کے لیے یہ اقدام ضروری ہے۔ یونیورسٹیوں میں کام کرنے والے تقریباً 60 پروفیسروں نے طالبان کے حکم کے بعد اپنے عہدوں سے استعفیٰ دے دیا ہے۔ ان کالجوں کے کئی طلبہ، طالبات کے ساتھ اظہار یکجہتی کرتے ہوئے واک آؤٹ کررہے ہیں۔

زراعت اور انجینئرنگ کی تعلیم:

افغانستان کے وزیر تعلیم ندا محمد ندیم (Nida Mohammad Nadim) نے کہا کہ ہم نے لڑکیوں سے کہا کہ وہ مناسب حجاب پہنیں لیکن انہوں نے ایسا نہیں کیا اور انہوں نے ایسے کپڑے پہن رکھے تھے جیسے وہ شادی کی تقریب میں جا رہی ہوں۔ لڑکیاں زراعت اور انجینئرنگ کی تعلیم حاصل کر رہی ہیں، لیکن یہ افغان ثقافت سے میل نہیں کھاتا ہے۔ لڑکیوں کو سیکھنا چاہیے، لیکن یہ سیکھنا اور پڑھنا اسلام اور افغان غیرت کے خلاف ہوں۔

An Iranian Foreign Ministry official expressed the country’s readiness to provide university education for Afghan women after the Taliban barred female students from attending private and public universities across Afghanistan. pic.twitter.com/GnxuBezdMl

— Mahdi Rizvi (@MehdiRizvi123) December 24, 2022

یہ بھی پڑھیں: 

• امریکہ میں موسم سرما کا بھیانک طوفان، برفانی طوفان کے دوران 31 افراد ہلاک، بجلی منقطع


• پشپا کمل دہل پرچنڈ مسلسل تیسری بار نیپال کے نئے وزیر اعظم مقرر، کیا ’نیا نیپال‘ بنانےکاعزم


• پاکستان اور چین آگئے  ہیں ساتھ، اگر جنگ ہوئی تو دونوں سے ہوگی : کانگریس لیڈر راہل گاندھی


• Christmas 2022 : ملک بھر میں دھوم دھام سے منایا گیا کرسمس، تصویروں میں دیکھئے جھلک

کابل یونیورسٹی کے ایک سابق فیکلٹی ممبر عبید اللہ وردک نے کہا کہ اس طرح کے ہتھکنڈوں نے مجھے یونیورسٹی کے ایک ایسوسی ایٹ پروفیسر کے طور پر بہت نقصان پہنچایا جس نے ایک طالب علم اور لیکچرر کے طور پر اعلیٰ تعلیم کے شعبے میں 10 سال سے زیادہ گزارے۔ میرے عہدے سے استعفیٰ آخری آپشن تھا جو میرے اختیار میں ہے، جسے میں نے اختیار کیا۔

انھوں نے کہا کہ ان کے فوجی یونیورسٹیوں کے ارد گرد گھومتے ہیں اور لوگوں کو وہاں جمع نہیں ہونے دیتے تاکہ احتجاج اور ردعمل کو روکا جا سکے۔ یہاں تک کہ انھوں نے خواتین کے حقوق کے لیے کام کرنے والی کچھ خواتین کو احتجاج نہ کرنے پر مختصر وقت کے لیے گرفتار کر لیا ہے۔