patna school timing۔ پورا بہار ان دنوں شدید گرمی heatwave کی لپیٹ میں ہے۔ گرمی کی لہر سے معمولات زندگی درہم برہم ہو کر رہ گئی ہے۔ اس دوران راجدھانی پٹنہ کے اسکولوں کو لے کر بڑی خبر سامنے آئی ہے۔ ذرائع کی مانیں تو پٹنہ میں اسکولوں کے کھلنے اور بند ہونے کے اوقات میں تبدیلی (school time changed) کی گئی ہے۔ تبدیل شدہ نظام کے تحت اب ضلع کے تمام اسکولوں میں صبح 7 بجے سے پڑھائی شروع ہوگی اور دوپہر 12 بجے تک جاری رہے گی۔

بتایا جا رہا ہے کہ اس سلسلے میں پٹنہ ضلع انتظامیہ جمعہ کی شام تک حکم جاری کر دے گی۔ یہ فیصلہ شدید گرمی اور گرمی کی لہر (heatwave impact school education) کے پیش نظر کیا گیا ہے۔ بتا دیں کہ بڑھتے ہوئے درجہ حرارت کے ساتھ ہی تمام ضلع کلکٹروں کو چوکس رہنے اور تمام ضروری اقدامات کرنے کی ہدایت دی گئی ہے۔

چلچلاتی گرمی کے پیش نظر بہار کے وزیر اعلیٰ نتیش کمار نے بھی عام لوگوں کو ہوشیار رہنے کا مشورہ دیا ہے۔ انہوں نے کہا تھا کہ پوری ریاست میں شدید گرمی ہے۔ لو  بھی چل رہی ہے لہٰذا خود کو محفوظ رکھیں اور ہوشیار رہیں۔ محکمہ موسمیات نے پہلے ہی درجہ حرارت میں اضافے کا امکان ظاہر کیا تھا۔