CBSE کا بڑا قدم، پاکستانی شاعر فیض کی نظموں سمیت اسلام سے متعلق معلومات والا مواد نصاب سے ہٹوایا

CBSE New Syllabus 2022, Faiz Ahmad Faiz, CBSE 10th Syllabus: سی بی ایس ای CBSE یعنی سنٹرل بورڈ آف سیکنڈری ایجوکیشن نے نئے تعلیمی سیشن کے لیے نصاب کا اعلان کر دیا ہے۔ اپنے نئے نصاب میں سی بی ایس ای نے دسویں جماعت کی سماجیات کی کتاب سے پاکستانی شاعر فیض احمد فیض کی شاعری اور گیارہویں جماعت کی تاریخ کی کتاب سے اسلام کے قیام، اس کے عروج اور توسیع سے متعلق مواد کو ہٹا دیا ہے۔ اسی طرح بارہویں کی کتاب سے مغل دور پر مبنی ایک باب میں تبدیلی کی گئی ہے۔اس کی جگہ پر خانہ بدوش حکمرانی کا باب جوڑا گیا ہے جس میں چنگیز خان کو ایک شخصیت اور حاکم کی شکل میں دکھایا گیا ہے۔نصاب میں ان تبدیلیوں کے بعد کچھ اساتذہ نے اس پر سوال اٹھائے ہیں ۔
اسی طرح کلاس 10 کے نصاب میں 'فوڈ سکیورٹی' food security سے متعلق باب سے 'زراعت پر عالمگیریت کے اثرات' کا موضوع نصاب سے ہٹا دیا گیا ہے۔ اس کے ساتھ پاکستانی شاعر ف فیض احمد فیض کی دو اردو نظموں کا ترجمہ شدہ اقتباس 'مذہب، فرقہ واریت اور سیاست- فرقہ واریت سیکولر ریاست' کو بھی اس سال باہر کر دیا گیا ہے۔سی بی ایس ای نے نصاب کے مواد سے 'جمہوریت اور تنوع' (Democracy and Diversity') کے باب کو بھی ہٹا دیا ہے۔

یہ بھی پڑھئے: کورونا اسکولوں کیلئے کیجریوال حکومت نے جاری کی SOP، جانیں اب کیا ہوگا اور کیا نہیں


ضرور پڑھیں: Covid in Children: کورونا نے پھر پکڑا زور! بچوں میں انفیکشن زیادہ،ڈاکٹروں نے دی ضروری صلاح

مضامین یا باب Subjectsnd Achapters کو ہٹائے جانے کے استدلال کے بارے میں پوچھے جانے پر، عہدیداروں نے کہا کہ یہ تبدیلی نصاب کی معقولیت کا حصہ ہے اور یہ نیشنل کونسل آف ایجوکیشنل ریسرچ اینڈ ٹریننگ (NCERT) کی سفارشات کے مطابق ہے۔