گوگل بارڈ اے آئی چیٹ بوٹ کا استعمال کرنا ہے بہت آسان، چٹکیوں میں دے گا آپ کے تمام سوالوں کا جواب

نئی دہلی: مصنوعی ذہانت کا رجحان بہت تیزی سے بڑھ رہا ہے۔ کافی دنوں سے مائیکروسافٹ کے چیٹ جی پی ٹی (ChatGPT) کا نام زیر بحث ہے اور اب گوگل نے اس کا مقابلہ کرنے کے لیے اپنا اے آئی چیٹ بوٹ 'بارڈ' لانچ کیا ہے۔ صارفین گوگل بورڈ کی آفیشل ویب سائٹ کے ذریعے اس چیٹ بوٹ تک رسائی حاصل کر سکتے ہیں۔ گوگل کا بارڈ بھی چیٹ جی پی ٹی کی طرح انسانوں کے جوابات کو سمجھ سکتا ہے اور جواب دے سکتا ہے۔ گوگل نے بتایا ہے کہ یہ چیٹ بوٹ ہندوستان سمیت 180 سے زیادہ ممالک میں دستیاب ہوگا۔

بارڈ گوگل کے ذریعے تیار کیا گیا اے آئی چیٹ بوٹ ہے۔ یہ گوگل کے لارج لینگویج ماڈل (LLM)، LaMDA پر مبنی ہے، جس طرح ChatGPT جی پی ٹی (GPT) پر مبنی ہے۔

بارڈ گوگل سرچ سے الگ ہے۔ سرچ ایک ایسا ڈیفالٹ طریقہ ہے جس سے کہ اربوں لوگ انٹرنیٹ پر جانکاری کھوجتے ہیں۔ وہیں دوسری طرف، بارڈ ایک بات چیت کی طرح کام کرتا ہے اور صارفین کے سوالات کا جوابات دیتا ہے۔

Success Story: یو پی ایس سی کی تیاری چھوڑ کھولی چائے کی دکان، دوست نے کی مدد، آج ہے سالانہ 150 کروڑ کی سیل

نوکری کے بدلے زمین: لالو یادو کے قریبی ساتھیوں پر سی بی آئی کا چھاپہ، بہار سے دہلی تک چھاپے ماری

بارڈ کا استعمال کرنے کے لیے آپ کو bard.google.com پر جاکر بارڈ ہوم پیج پر جانا ہوگا اور اپنے گوگل اکاؤنٹ کا استعمال کرکے لاگ ان کرنا ہوگا۔

یہاں سے آپ کو بارڈ اور اس کے AI انٹرفیس استعمال کرنے کی سہولت ملے گی۔ Bard AI کسی بھی گوگل پروڈکٹ کی طرح استعمال میں آسان ہے۔

آسان ہے اس کا استعمال
گوگل بارڈ چیٹ ونڈو پر جانے کے بعد، آپ کو اس میں ایک ٹیکسٹ ایریا ملتا ہے، جہاں آپ اپنے سوالات درج کر سکتے ہیں۔ یہاں کوئی بھی سوال لکھیں اور انٹر دبائیں یا دائیں جانب جمع پر کلک کریں۔ ایک بار جب آپ اپنا سوال درج کریں گے، بات چیت شروع ہو جائے گی اور بارڈ آپ کے تمام سوالات کا جواب انتہائی انسانی لہجے میں دے گا۔ جواب ملنے کے بعد، آپ انگوٹھے اوپر یا نیچے کر کے رائے دے سکتے ہیں۔

آپ کے سوالوں کے ساتھ ایڈٹ بٹن کا آپشن ملے گا، جس میں تبدیل کرکے آپ نیا جواب حاصل کر سکتے ہیں۔ ترمیم کا آپشن ضروری ہے تاکہ آپ اپنے سوالات میں تبدیلیاں کر سکیں اور  اے آئی اسے صحیح طریقے سے سمجھ سکے اور آپ کو بہتر جوابات دے سکے۔ بائیں جانب، آپ کو ری سیٹ چیٹ، بارڈ ایکٹیویٹی، اکثر پوچھے گئے سوالات، اپ ڈیٹ اور ہیلپ اینڈ سپورٹ کا آپشن ملے گا۔

کیا آپ کی چیٹ کو محفوظ کرتا ہے بارڈ؟
جب بھی آپ کسی اے آئی چیٹ بوٹ کے ساتھ بات چیت کرتے ہیں تو گوگل بارڈ آپ کی پوری گفتگو کو محفوظ نہیں کرتا ہے، لیکن یہ آپ کے پوچھے گئے سوالات کو محفوظ کرتا ہے۔ گوگل کا کہنا ہے کہ بارڈ صرف انگریزی زبان میں جواب دے سکتا ہے۔ انگریزی کے علاوہ، بارڈ جاپانی اور کورین زبانوں کو بھی سپورٹ کرتا ہے۔ اگرچہ مزید کئی زبانیں شامل کرنے کا بھی منصوبہ ہے۔