ٹی ایس پی ایس سی بھرتی امتحانات: گروپ 1 کےپریلیمنری امتحانات کی نئی تاریخ کاہوگاجلداعلان

انجینئرنگ بھرتی امتحان کی منسوخی کے دو دن بعد تلنگانہ پبلک سرویس کمیشن (TSPSC) نے جمعہ کے روز اعلان کیا کہ مزید تین امتحانات منسوخ کردیئے گئے ہیں۔ اس بار منسوخ کیے گئے تین امتحانات کل 2,096 آسامیوں سے متعلق ہیں۔

یہ بات قابل ذکر ہے کہ 15 مارچ کو تلنگانہ پبلک سرویس کمیشن نے پیپر لیک ہونے کی وجہ سے مختلف انجینئرنگ محکموں میں اسسٹنٹ انجینئر، میونسپل اسسٹنٹ انجینئر، ٹیکنیکل آفیسر اور جونیئر ٹیکنیکل آفیسر کی آسامیوں کے لیے بھرتی کے امتحان کو منسوخ کرنے کا اعلان کیا۔

منسوخ ہونے والے امتحانات یہ ہیں:

گروپ 1 سروسز کے پریلیمنری امتحان 16 اکتوبر 2022 کو منعقد ہوئے (503 آسامیوں کے لیے)،

اسسٹنٹ ایگزیکٹو انجینئرز کا امتحان جو 1,540 آسامیوں کے لیے 22 جنوری کو ہوا

اور ڈویژنل اکاؤنٹس آفیسر (ورکس) گریڈ-II کا امتحان 53 آسامیوں کے لیے، جو 26 فروری کو ہوا تھا۔

یہ بھی پڑھیں: 

• ساتواں پے کمیشن: مرکزی حکومت کے ملازمین کیلئے ڈی اے میں 4 فیصداضافہ کی توقع، جانیے تفصیلات


• دہلی ہائی کورٹ نے علاقائی زبانوں میں CLAT منعقد کرنے کی درخواست پر طلب کیا جواب


• دوسری مرتبہ بڑے پیمانے پر چھنٹنی کرے گا میٹا، اس مرتبہ 10 ہزار ملازمین کی جائے گی نوکری


• اردو یونیورسٹی اور جامعة النیل الابیض، سوڈان میں یادداشت مفاہمت


• ’جمہوریت کومضبوط کرنےغلط معلومات کوختم کرناضروری‘ اردوصحافیوں کیلئےفیکٹ چیک ورکشاپ

تلنگانہ پبلک سرویس کمیشن نے کہا کہ گروپ 1 کے ابتدائی امتحان اب 11 جون کو ہوں گے اور دیگر دو امتحانات کی تازہ تاریخوں کا اعلان بعد میں کیا جائے گا۔ اس نے مزید کہا کہ یہ امتحانات خصوصی تحقیقاتی ٹیم (SIT) کی رپورٹ اور کمیشن کے ذریعہ کی گئی اندرونی تحقیقات کی بنیاد پر منسوخ کردیئے گئے ہیں۔

واضح رہے کہ 835 اسامیوں کو پر کرنے کے لیے 5 مارچ کو ٹیسٹ ہوا تھا۔