’ایک چھوٹی لڑکی مجھے دیکھ رہی تھی۔۔۔‘ کرینہ کپور کو پہلی بار دیکھ پسند کرنے لگے تھے سیف علی خان، جانیے پورا قصہ

سیف علی خان اور کرینہ کپور کی شادی کو تقریباً 12 سال ہوگئے ہیں۔ دونوں کی کیمسٹری کو بہت پسند کیا جاتا ہے۔ جب سیف نے پہلی مرتبہ کرینہ کو دیکھا تھا، تو وہ انہیں پسند کرنے لگے تھے۔ حالانکہ، اس وقت کرینہ کافی چھوٹی تھیں۔ اس بات کا انکشاف خود سیف علی خان نے ایک شو میں کیا تھا۔ شو کا ایک ویڈیو سامنے بھی آیا ہے، جس میں وہ کرینہ سے پہلی ملاقات کے بارے میں ذکر کرتے ہوئے نظر آرہے ہیں۔

سیف نے سنایا کرینہ سے پہلی ملاقات کا قصہ
دراصل، کچھ سالوں پہلے سیف علی خان اور کرینہ کپور ’کیا آپ پانچویں پاس سے تیز ہیں؟‘ شو میں پہنچے تھے۔ اس شو کو شاہ رخ خان ہوسٹ کرتے تھے۔ شو میں سیف نے بتایا، اصل میں پہلی مرتبہ جب میں نے انہیں دیکھا تھا تو میں فلمستان اسٹوڈیو میں شوٹنگ کررہا تھا تو ایک چھوٹی لڑکی بیٹھی تھی میک اپ روم کے باہر۔ دیوار پر اکیلی بیٹھی تھی اور دیکھ رہی تھی میری طرف۔ میں نے پوچھا کسی سے یہ کون ہے؟ تو اس نے کہا کہ یہ کرینہ کپور ہیں۔ کرشمہ کپور کی چھوٹی بہن۔ مجھے لگا کہ بہت خوبصورت ہے اور میرے خیال سے تب سے وہ مجھے کافی اچھی لگی تھی۔‘

pic.twitter.com/hJqf4mnXVV

— Celebrities Doing Drunk Sh*t (@cringeindian) February 10, 2023

یہ بھی پڑھیں:


یہ بھی پڑھیں:

سیف اور کرینہ کی عمر میں 10 سال کا فرق

سوشل میڈیا پر سیف علی خان اور کرینہ کپور کی یہ ویڈیو خوب وائرل ہو رہی ہے۔ سیف سال 1970 میں پیدا ہوئے اور انہوں نے سال 1993 سے فلموں میں کام کرنا شروع کیا۔ جبکہ کرینہ کپور 1980 میں پیدا ہوئیں اور وہ 2000 سے فلموں میں سرگرم ہیں۔  اس جوڑے کے دو بچے ہیں جن کے نام جہانگیر اور تیمور ہیں۔ سیف علی خان نے اس سے قبل امریتا سنگھ سے شادی کی تھی، جن سے ان کے دو بچے تھے۔ ان کے نام سارہ علی خان اور ابراہیم علی خان ہیں۔