ہوم » نیوز » انٹرٹینمنٹ

عرفان خان کی طبیعت بگڑی، ممبئی کے کوکیلابین اسپتال میں بھرتی

کچھ دنوں پہلے ہی عرفان کی ماں کا انتقال ہوا تھا۔ لاک ڈاون کی وجہ سے وہ اپنی ماں کی آخری رسوم میں شامل نہیں ہو سکے تھے۔

  • Share this:
عرفان خان کی طبیعت بگڑی، ممبئی کے کوکیلابین اسپتال میں بھرتی
عرفان خان کی فائل فوٹو

ممبئی۔ پچھلے کچھ عرصے سے کینسر جیسی مہلک مرض سے جوجھ رہے اداکار عرفان خان (Irrfan Khan) کو ایک بار پھر طبیعت بگڑنے کے بعد ممبئی کے کوکیلابین اسپتال میں بھرتی کرایا گیا ہے۔ کچھ دنوں پہلے ہی عرفان کی ماں کا انتقال ہوا تھا۔ لاک ڈاون کی وجہ سے وہ اپنی ماں کی آخری رسوم میں شامل نہیں ہو سکے تھے۔


عرفان خان کی ماں سعیدہ بیگم طویل عرصے سے بیمار تھیں۔ اہل خانہ نے آخری رسوم ادا کر کے انہیں جئے پور میں سپرد خاک کیا۔ لیکن اس سے بھی زیادہ تکلیف دہ بات یہ رہی کہ کورونا وائرس کے قہر کے مدنظر نافذ لاک ڈاون کے سبب عرفان اپنی ماں کی آخری رسوم میں شامل نہیں ہو سکے۔ حالانکہ، اپنی ماں کی آخری رسوم کو انہوں نے ویڈیو کانفرنسنگ کے ذریعہ دیکھا۔ ماں کے انتقال کے بعد سے ہی عرفان کی طبیعت خراب ہے۔یادر ہے کہ اس پہلے میڈیا رپورٹس میں یہ دعویٰ کیاگیا تھا کہ عرفان خان بیرون ملک میں پھنسے ہوئے تھے اس لیے اپنی ماں کی تدفین میں شرکت نہیں کرسکیں۔ لیکن ذرائع نے بتایاکہ وہ ممبئی میں ہی مقیم تھے،بیمار رہنے اور لاک ڈاؤن کی وجہ سے جے پور تک سفر نہیں کرسکیں۔


عرفان خان: فائل فوٹو۔

بتا دیں کہ کینسر کے بعد سے ہی عرفان روٹین چیک اپ کے لئے بھی کوکیلابین اسپتال جاتے ہیں۔ اطلاعات کے مطابق، عرفان خان ابھی اسپتال میں ہیں۔ عرفان خان ہائی گریڈ نیورواینڈوکرائن کینسر کی بیماری کی زد میں تھے۔ سال 2017 جون کے مہینے میں اس بیماری کا پتہ چلتے ہی عرفان کام بیچ میں ہی چھوڑ کر بیرون ملک میں اپنا علاج کرا رہے تھے۔ عرفان نے اپنی بیماری کی خبر سوشل میڈیا پر دی تھی۔

Published by: Nadeem Ahmad
First published: Apr 28, 2020 04:38 PM IST