’مقبولیت ملنے سے کچھ۔۔۔‘فلم لائیگر فنڈنگ معاملے میں ED کی طویل پوچھ تاچھ کے بعد وجئے دیورکونڈا نے کہی یہ بات

انفورسمنٹ ڈائریکٹوریٹ نے اداکارہ وجئے دیورکونڈا سے فلم لائیگر کی فنڈنگ کے سلسلے میں بدھ 30 نومبر کو پوچھ تاچھ کی۔ وجئے دیورکونڈا سے حیدرآباد میں ای ڈی آفس میں قریب 12 گھنٹوں تک پوچھ تاچھ ہوئی ہے۔ پوچھ تاچھ کے بعد وجئے نے کہا کہ مقبولیت ملنے سے کچھ پریشانیاں اور خراب اثرات بھی ہوتے ہیں۔ یہ ایک تجربہ ہے، یہ زندگی ہے۔ جب مجھے بلایا گیا تو میں نے اپنا فرض نبھایا، میں نے آکر سوالوں کے جواب دئیے۔

ای ڈی آفس سے باہر آنے کے بعد وجئے دیورکونڈا نے صحافیوں سے کہا کہ ایجنسی نے ان سے کچھ وضاحتیں طلب کی ہیں۔ انہوں نے کہا کہ، میں 12 گھنٹوں تک اندر رہا۔ انہوں نے (ای ڈی) نے کچھ وضاحتیں مانگی ہیں۔ وہ اپنا کام کررہے ہیں۔ انہوں نے مجھے دوبارہ نہیں بلایا ہے۔‘

فلم ’لائیگر‘ کو لے کر دی گئی شکایت
ای ڈی فلم لائیگر کے متعلق مبینہ ادائیگی اور فنڈنگ کے وسائل کی جانچ کررہا ہے۔ تلنگانہ راشٹریہ سمیتی کے ایک سینئر لیڈر نے مرکزی جانچ ایجنسی کو ایک شکایت درج کرائی تھی جس میں کہا گیا تھا کہ فلم میں حوالہ کے پیسے کی سرمایہ کاری کی گئی تھی۔ وجئے سے مبینہ فیما (فارن ایکسچینج مینجمنٹ ایکٹ، 1999) کی خلاف ورزی سے جڑے معاملے میں پوچھ تاچھ کی گئی ہے۔

یہ بھی پڑھیں:
ٹائیگر 3: 32سال بعد اس اداکارہ کے ساتھ اسکرین شیئر کریں گے سوپر اسٹار سلمان خان

یہ بھی پڑھیں:
سیف علی خان کے بیٹے ابراہیم کی ڈیبیو فلم میں نظر آئیں گی کاجول،اگلے سال فلورپرجائے گی فلم

پروڈیوسر چارمی کور سے بھی ہوئی تھی پوچھ تاچھ
اس سے پہلے 17 نومبر کو ای ڈی نے مبینہ فیما خلاف ورزی کو لے کر لائیگر کی پروڈیوسر چارمی کور سے پوچھ تاچھ کی تھی۔ وجئے کو حال ہی میں اننیا پانڈے کے ساتھ ایک اسپورٹ ایکشن فلم ’لائیگر‘ میں دیکھا گیا تھا، جو باکس آفس پر زیادہ کامیاب نہیں رہی۔ کرن جوہر کا دھرما پروڈکشنس اس فلم کی پروڈکشن کمپنی میں سے ایک ہے۔ فلم میں رامیا کرشنن بھی ہیں۔