ہوم » نیوز » انٹرٹینمنٹ

پاکستانی فنکاروں کو ہندوستان پر ہوئے حملوں کی مذمت کرنی چاہئے :  انوپم کھیر

فلم اداکار انوپم کھیر کا کہنا ہے کہ پاکستانی فنکاروں کے لئے یہ کافی اہم ہے کہ وہ ہندوستانی فوجیوں پر ہوئے حملے کی مذمت کریں ۔ انوپم نے کہا کہ پڑوسی ملک کے فنکاروں کو یہ کہنا چاہئے کہ ہم ہندوستانی فوجیوں پر حملوں کی مذمت کرتے ہیں

  • Pradesh18
  • Last Updated: Sep 28, 2016 09:31 AM IST
  • Share this:
  • author image
    NEWS18-Urdu
پاکستانی فنکاروں کو ہندوستان پر ہوئے حملوں کی مذمت کرنی چاہئے :  انوپم کھیر
فلم اداکار انوپم کھیر کا کہنا ہے کہ پاکستانی فنکاروں کے لئے یہ کافی اہم ہے کہ وہ ہندوستانی فوجیوں پر ہوئے حملے کی مذمت کریں ۔ انوپم نے کہا کہ پڑوسی ملک کے فنکاروں کو یہ کہنا چاہئے کہ ہم ہندوستانی فوجیوں پر حملوں کی مذمت کرتے ہیں

ممبئی : فلم اداکار انوپم کھیر کا کہنا ہے کہ پاکستانی فنکاروں کے لئے یہ کافی اہم ہے کہ وہ ہندوستانی فوجیوں پر ہوئے حملے کی مذمت کریں ۔ انوپم نے کہا کہ پڑوسی ملک کے فنکاروں کو یہ کہنا چاہئے کہ ہم ہندوستانی فوجیوں پر حملوں کی مذمت کرتے ہیں ۔


مہاراشٹر نونرمان سینا (ایم این ایس) نے حال ہی میں کہا کہ جموں و کشمیر کے اوڑی ضلع میں 18 ستمبر کو دہشت گردانہ حملے کے بعد سے ملک بھر میں پاکستان مخالف لہر چل پڑی ہے ۔ اس حملے میں 18 جوان شہید ہو گئے تھے ۔ ایم این ایس نے 23 ستمبر کو پاکستانی فنکاروں کو ہندوستا چھوڑنے کے لئے 48 گھنٹوں کا الٹی میٹم دیا تھا ۔


انوپم کھیر نے چینل زندگی کے لئے منعقد ایک تقریب میں اس کے بارے میں پوچھنے پر کہا کہ پاکستانی فنکاروں کے لئے یہ کہنا کافی ضروری ہے کہ ہم ہندوستانی فوجیوں پر حملہ کی مذمت کرتے ہیں ۔ ہم نے ہمیشہ اپنی دوستی اور اچھائی دکھائی ہے ۔


انوپم نے کہا کہ پاکستان کے بہت سے لوگ کافی اچھے اور بہترین میزبان ہیں ، لیکن جب بات ہمارے ملک اور ہمارے جوان کی آتی ہے ، تو میں اپنے ملک کے تئیں متعصب ہوں ۔

انوپم کا کہنا ہے کہ آرٹ اور ثقافت کی کوئی سرحد نہیں ہوتی ۔ لیکن اس سے بھی زیادہ ضروری ہے کہ پڑوسی ملک کے فنکار ان دہشت گردوں کی مذمت کریں ، جنہوں نے ہندوستانی فوجیوں کا قتل کیا  ۔  ہم یہ نہیں کہہ رہے ہیں کہ وہ اپنے ملک کی مذمت کریں ۔

اداکار نے کہا کہ لوگوں کو یہ دکھانا کافی ضروری ہے کہ فنکار اس ملک میں کام کرنے کا موقع پا کر کافی خوش ہیں اور شکرگزار ہیں اور وہ ہندوستانی جوانوں پر دہشت گردانہ حملے کی مذمت کرتے ہیں ۔ خیال رہے کہ انوپم نے پشاور کے اسکول میں دہشت گردانہ حملے کی مذمت کرتے ہوئے دہشت گردوں کو ایک کھلا خط بھی لکھا تھا ۔
First published: Sep 28, 2016 09:31 AM IST
corona virus btn
corona virus btn
Loading