پونے میں اے آر رحمان کا لائیو کنسرٹ روکا گیا، وائرل ویڈیو سے پیدا ہوا تنازع، پولیس کے برتاو سے ناخوش نظر آئے لوگ

نئی دہلی : لیجنڈ موسیقار اے آر رحمان اتوار کو جب سینکڑوں سامعین کے سامنے پونے میں پرفارم کررہے تھے، تب پولیس پروگرام میں پہنچی اور اسٹیج پر چڑھ کر شو کر بند کرنے کا کہنے لگی، جس کا ویڈیو ٹویٹر پر شیئر ہونے کے بعد سے وائرل ہورہا ہے ۔ واقعہ کے بعد پونے پولیس نے بتایا کہ اے آر رحمان رات دس بجے کی ڈیڈ لائن تجاوز کرگئے تھے ۔

میڈیا رپورٹس کے مطابق اے آر رحمان کو پرفارم کرنے سے اس وقت روک دیا گیا، جب وہ اپنا مشہور گانا چھیاں چھیاں گا رہے تھے ۔ چونکہ رات کے دس بج چکے تھے، اس لئے انہیں اپنا شو روکنے کیلئے کہا گیا ۔ پیر کو اے این آئی نے ٹویٹ کیا کہ گزشتہ رات کو پونے پولیس نے مشہور موسیقار اے آر رحمان کو ان کے کنسرٹ کے دوران گانے سے روکا ۔ وہ رات دس بجے کے بعد بھی پرفارم کررہے تھے، جس کی اجازت نہیں ہے ۔

Extremely disappointing of #PunePolice to shut down #ARRahman ‘s concert in #Pune at 10.14PM. While the rule of 10pm cutoff is understood, this is nt how a visiting artist of his stature should hav been treated. He was almost on his finale song when this happened👇🏻cc @CPPuneCity pic.twitter.com/HYEor4wiYX

— Irfan (@IrfanmSayed) April 30, 2023

کنسرٹ کا ایک ویڈیو سوشل میڈیا پر شیئر ہونے کے بعد سے لوگ پولیس کی کارروائی پر ناراضگی کا اظہار کررہے ہیں ۔ ایک یوزر نے ویڈیو پوسٹ کرتے ہوئے ٹویٹ کیا کہ مایوس کن ہے کہ پولیس نے پونے میں اے آر رحمان کا کنسرٹ 10.14 پر روک دیا ۔ رات دس بجے کا قانون سمجھ آتا ہے، لیکن اے آر رحمان جیسے لیجنڈ فنکاروں کے ساتھ ایسا سلوک نہیں کیا جاتا ۔ وہ اپنے آخری گانے پر تھے، جب یہ واقعہ پیش آیا ۔

یہ بھی پڑھئے: مشہور اداکارہ ملائیکہ اروڑہ نے اب شیئر کردی ایسی تصویر، دیکھتے ہی فینس نے کہہ ڈالی اتنی بڑی بات

یہ بھی پڑھئے: 40 سال کی عمر میں اس مشہور اداکارہ نے دکھائیں ایسی ادائیں، فینس کے اڑ گئے ہوش! تصاویر وائرل

اے آر رحمان نے کنسرٹ کی تصویریں شیئر کرتے ہوئے پیر کو ٹویٹ کیا کہ پونے ! گزشتہ شب کے پیار کیلئے شکریہ۔ کیا شاندار کنسرٹ تھا ۔ کوئی تعجب نہیں کہ پونے کلاسیکی موسیقی کا گھر ہے ۔ ہم آپ کے ساتھ گانے کیلئے پھر سے واپس آئیں گے ۔ یہ کنسرٹ پونے کے راجا بہادر مل ایریا میں ہوا تھا ۔