رشی کپور نے 67 سال کی عمر میں دنیا کو کہا الوداع، امیتابھ بچن بولے، 'میں ٹوٹ گیا'

کل عرفان خان ۔ اور آج رشی کپور ہمیں الوداع کہ گئے ۔ بالی ووڈ اور فلمی شائقین کے لئے یہ کسی صدمے سے کم نہیں ہے۔ اس لئے تو امیتابھ بچن نے لکھا رشی کپور تم چلے گئے۔ میں بر باد ہو گیا۔ بالی ووڈ اداکار رشی کپور (Rishi Kapoor) کا جمعرات کو انتقال ہو گیا۔ وہ 67 سال کے تھے۔ ان کے انتقال کی خبر امیتابھ بچن نے ٹویٹ کر کے دی۔ امریکہ میں کینسر کا علاج کرانے کے بعد پچھلے سال ستمبر میں ہندوستان لوٹے اداکار رشی کپور کی صحت خراب ہونے کے پیش نظر بدھ کی رات کو انہیں ایک اسپتال میں بھرتی کرایا گیا تھا۔

Actor Amitabh Bachchan announces on Twitter that veteran actor Rishi Kapoor has passed away. pic.twitter.com/pwc7Pht68k

— ANI (@ANI) April 30, 2020

عرفان خان کی طرح رشی کپور بھی کینسر سے لڑ رہے تھے اور کینسر کے ساتھ ان کی یہ جنگ دوہزار اٹھارہ سے جاری تھی مگر زندگی کی اس جنگ میں وہ ہار گئے اور ممبئی کے ایک اسپتال میں سرسٹھ سال کی عمر میں آخری سانس لی ۔ رشی کپور نے چائلڈ آرٹسٹ کے طور پر فلم میرا نام جوکر سے اپنا فلمی سفر شروع کیا ۔ جس میں رشی کپور نے اپنے والد راج کپور کے بچپن کا کردار ادا کیا اور اس کے لئے انہیں بیسٹ چائلڈ آرٹسٹ کا نیشنل ایوارڈ ملا ۔ فلم با بی سے رشی کپور نے بطور ہیرو اپنے فلمی کیریئر کی شروعات کی۔
رشی کپور اور اور ڈمپل کباڈیہ کی فلم بابی ایک روما نی فلم تھی ۔ یہ فلم ہٹ ہو گئی اور رشی کپور راتوں رات چاکلیٹ ہیرو کے طور پر مشہور ہو گئے ۔ اس کے بعد رشی کپور نے پیچھے مڑکر نہیں دیکھا ۔ نیتو سنگھ اور رشی کپور کی جوڑی پردے پر کافی ہٹ رہیے ۔ دونوں کی شرارتیں دوستی اور پھر دوستی شادی میں بدل گئی ۔ رشی کپور نے کئی کئی ایوارڈ اپنے کام کیا ۔ دوہزار آٹھ میں انہیں لائف ٹائم اچیومنٹ ایوارڈ سے نوازا گیا ۔ رشی کپور کو ان کی فلم امر اکبر انتھونی ۔ لیلی مجنوں ۔ ۔قرض۔ پریم روگ اور دو ہزار اٹھارہ میں ریلیز ہو ئی فلم۔ ملک۔ کے لئے یاد رکھا جائے گا ۔ رشی کپور کو بالی ووڈ میں پیار سے سب چِنٹو کہتے ہیں ۔ رشی کپور اپنی بے باکی کے لئے بھی مشہور تھے ۔ اس لئے سوشل میڈیا کے ذریعہ سرخیوں میں رہتے تھے ۔