سڑک حادثہ میں 29 سالہ ٹی وی اداکارہ کی موت، صدمے میں اہل خانہ اور فینس

نئی دہلی : ٹی وی اداکارہ سوچندرا داس گپتا کی اچانک موت کی خبر سے ان کے فینس اور قریبیوں کو گہرا صدمہ پہنچا ہے ۔ وہ گزشتہ رات جب شوٹنگ سے لوٹ رہی تھیں، تبھی ان کی بائیک حادثہ کا شکار ہوگئی ۔ وہ کولکاتہ کے پانی ہاٹی کی رہنے والی تھیں ۔ پولیس کے مطابق اداکارہ نے گھر جانے کیلئے ایپ پر مبنی بائیک رائیڈ کی خدمت لی تھی ۔ گھوش پارا ایریا کے نزدیک یہ حادثہ پیش آیا ۔

شخص جو ایپ پر مبنی بائیک چلا رہا تھا، اس نے سائیکل کے اچانک سامنے آجانے کے بعد بریک لگانے کی کوشش کی ۔ اداکارہ بائیک کے اچانک رکنے سے لگے جھٹکے کی وجہ سے کچھ دور جاکر گریں اور قریب سے گزر رہی لاری ان کے اوپر چڑھ گئی ۔ حادثہ کے چشم دیدوں کے مطابق اداکارہ نے ہیلمیٹ پہن رکھا تھا، لیکن اس سے ان کی جانچ نہیں بچ سکی ۔

آس پاس کے لوگ مدد کیلئے آگے آئے، انہیں اسپتال پہنچایا، لیکن انہوں نے اپنی آخری سانسیں جائے واقعہ پر ہی لے لی تھیں ۔ پولیس نے لاری کے ڈرائیور کو گرفتار کرلیا ہے ۔

یہ بھی پڑھئے: مشہور اداکارہ ایشوریہ رائے نے کانز میں پہنی ایسی ڈریس، جم کر ہوگئیں ٹرول، لوگوں نے کہہ ڈالی اتنی بڑی بات

یہ بھی پڑھئے: کیا اداکارہ کٹرینہ کیف نے کروالی ہے لپ سرجری؟ سچ جان کر چکرا جائے گا سر، دیکھئے تصاویر

حادثہ سے ہر کوئی غمزدہ اور حیران ہے ۔ سوچندرا ٹی وی شوز میں چھوٹے چھوٹے کردار نبھاتی تھیں ۔ وہ صرف 29 سال کی تھی ۔ حادثہ کے بعد مقامی لوگوں نے احتجاج کیا، جس کی وجہ سے بی ٹی روڈ پر جام لگ گیا ۔