آر آر آر فلم کے 'ناٹو ناٹو' گانا کی آسکر میں ہوئی انٹری، آریجنل سانگ کٹیگری میں ملی جگہ

نئی دہلی : باہوبلی فیم ڈائریکٹر ایس ایس راجامولی کی فلم آر آر آر گزشتہ سال مارچ میں سینما گھروں میں ریلیز ہوئی تھی۔ اس فلم نے زبردست کمائی کی تھی۔ دنیا بھر کے سینما شائقین نے بھی اس فلم کو بے حد پسند کیا تھا۔ فلم کا مشہور گانا 'ناٹو ناٹو' لوگوں کی زبان پر ہے۔ اس گانے کو گولڈن گلوب ایوارڈ مل چکا ہے۔ اب اس گانے کو آسکر کے بہترین اوریجنل گانے کی کیٹیگری میں نامزد کیا گیا ہے۔

امید کی جا رہی ہے کہ سال 2008 میں سلم ڈاگ ملینیئر کے گانے 'جے ہو' کے بعد اس گانے کو بھی آسکر ایوارڈ بھی مل سکتا ہے۔



گانا 'ناٹو ناٹو' کو ساؤتھ کے سپر اسٹار جونیئر این ٹی آر  اور رام چرن تیجا پر فلمایا گیا ہے۔ اس گانے کے گولڈن گلوب ایوارڈ ملنے کے بعد سے راجامولی، رام چرن اور جونیئر این ٹی آر کی خوشی کا کوئی ٹھکانہ نہیں ہے۔ فلم کے ڈائریکٹر راجامولی بھی کافی خوش ہیں۔ اس کے ساتھ ہی تمام یوزرس ٹویٹر پر اس گانے کے ویڈیو کو شیئر کرکے ٹیم کی تعریف کر رہے ہیں ۔

خیال رہے کہ اس زمرے کی فلمیں 'ٹیل اٹ لائک اے وومن' سے 'اپلاز'، 'ٹاپ گن: میورک' سے 'ہولڈ مائی ہینڈ'، 'بلیک پینتھر: واکنڈا فارایور' سے 'لفٹ می اپ' اور 'ایوریتھنگ ایوری وریئر آل ایٹ ونس' سے 'دس از لائف' گانے کو نامزد کیا گیا ہے۔

یہ بھی پڑھئے: اداکارہ روبینہ دلیک نے انتہائی ڈیپ نیک ڈریس میں کرایا ایسا فوٹوشوٹ،فینس کے چھوٹ گئے پسینے!

یہ بھی پڑھئے: اداکارہ مونی رائے کی نئی تصویروں سے مچا کہرام، ستارے ہوئے خوش، فینس کو لگا زور کا جھٹکا

فلم کی آفیشل ویب سائٹ کے ٹویٹر ہینڈل نے ٹویٹ کیا گیا ہے کہ ہم نے تاریخ رقم کردی ہے ۔ یہ بتاتے ہوئے فخر اور خوشی ہورہی ہے کہ ناٹو ناٹو کو 95ویں اکیڈمی ایوارڈز میں بیسٹ اوریجنل گانے کے لئے نامزد کیا گیا ہے۔