உங்கள் மாவட்டத்தைத் தேர்வுசெய்க

    ڈرگس کیس : شاہ رخ خان کے بیٹے آرین خان کو 7 اکتوبر تک این سی بی کی کسٹڈی میں بھیجا گیا

    ڈرگس کیس : شاہ رخ خان کے بیٹے آرین خان کو 7 اکتوبر تک این سی بی کی کسٹڈی میں بھیجا گیا ۔ (PTI Photo)

    ڈرگس کیس : شاہ رخ خان کے بیٹے آرین خان کو 7 اکتوبر تک این سی بی کی کسٹڈی میں بھیجا گیا ۔ (PTI Photo)

    Mumbai Drug Bust: این سی بی نے عدالت سے گیارہ دنوں کی کسٹڈی کی مانگ کی تھی ۔ معاملہ کی سماعت کے دوران شاہ رخ خان کے مینجر اور ان کے گارڈ عدالت میں موجود تھے ۔

    • Share this:
      ممبئی : ڈرگس کیس میں گرفتار شاہ رخ خان کے بیٹے آرین خان کو عدالت نے سات اکتوبر تک این سی بی کی کسٹڈی میں بھیج دیا ہے ۔ این سی بی نے عدالت سے گیارہ دنوں کی کسٹڈی کی مانگ کی تھی ۔ معاملہ کی سماعت کے دوران شاہ رخ خان کے مینجر اور ان کے گارڈ عدالت میں موجود تھے ۔ اس سے پہلے ایڈیشنل میٹروپولیٹن مجسٹریٹ آر کے راجے نے اتوار کو آرین خان کو ایک دن کیلئے این سی بی کی حراست میں بھیج دیا تھا ۔

      اس سے پہلے نارکوٹکس کنٹرول بیورو نے اتوار کو دعوی کیا تھا کہ اس کے پاس ممبئی کے ساحل سے دور کروز جہاز سے ضبط ڈرگس کے معاملہ میں بالی ووڈ اسٹار شاہ رخ خان کے بیٹے آرین خان سمیت گرفتار تینوں ملزموں اور ڈرگس اسمگلروں کے درمیان تعلقات ثابت کرنے کیلئے ثبوت ہیں ۔


      آرین خان اور دو دیگر منمن دھمیچا اور اباز مرچنٹ کو اتوار کی شام کو گرفتار کیا گیا اور ایڈیشنل میٹروپولیٹن مجسٹریٹ آر کے راجے بھوسلے کی خصوصی تعطیلی عدالت میں پیش کیا گیا تھا ، جہاں سے انہیں ایک دن یعنی چار اکتوبر تک این سی بی کی حراست میں بھیج دیا گیا تھا ۔

      آرین خان اور سات دیگر کو ہفتہ دیر رات این سی بی کے ذریعہ ممبئی سے گوا جارہے کروز جہاز پر چھاپہ ماری کے بعد حراست میں لیا گیا تھا ۔ آرین خان ، دھمیچا اور مرچنٹ کی حراست کی درخواست کرتے ہوئے این سی بی نے کہا تھا کہ ایسے ثبوت ہیں جو دکھاتے ہیں کہ گرفتار ملزمین اور ممنوعہ منشیات کی سپلائی مستقل طور پر کرنے والوں کے درمیان تعلقات تھے ۔
      Published by:Imtiyaz Saqibe
      First published: