نیتو کپور کا انکشاف، بتایا کب ہوئی تھی Rishi Kapoor کے ساتھ آخری گفتگو، تھا انتہائی خاص دن

ممبئی : بالی ووڈ کے 'چنٹو جی' یعنی رشی کپور کو دنیا کو الوداع کہے ہوئے دو سال ہو گئے ہیں۔ وقت تیزی سے گزر جاتا ہے، لیکن گھر والوں کے لیے اس شخص کو بھولنا کافی مشکل ہوتا ہے۔ ایسا ہی کچھ حال نیتو کپور اور ان کے خاندان والوں کا بھی ہے۔ نیتو کپور اور ان کا خاندان ہر لمحہ 'کپور صاحب' کو یاد کرتا ہے۔ نیتو کپور نے حال ہی میں رشی کپور کے ساتھ اپنی آخری بات چیت کو یاد کرتے ہوئے بتایا کہ ان کے درمیان آخری گفتگو کب ہوئی تھی۔

نیتو کپور نے رشی کپور کے ساتھ اپنی آخری بات چیت کو یاد کیا اور بتایا کہ وہ کون سا دن تھا جب دونوں نے آخری مرتبہ بات کی تھی۔ انہوں نے بتایا کہ دونوں نے آخری مرتبہ اسپتال میں ہی بات کی تھی۔

 

یہ بھی پڑھئے : سوئمنگ پول میں شوہر کے ساتھ انتہائی رومانٹک انداز میں نظر آئی کٹرینہ کیف، دئے انٹیمیٹ پوز، فینس رہ گئے حیران، دیکھئے PICS

ٹائمز آف انڈیا کی ایک رپورٹ کے مطابق رشی کپور کو یاد کرتے ہوئے نیتو کپور نے بتایا کہ 13 اپریل 2020 آخری دن تھا جب انہوں نے رشی کپور سے آخری مرتبہ بات کی تھی ، جس کے بعد انہیں وینٹی لیٹر پر منتقل کر دیا گیا۔ خیال رہے کہ رشی کپور اور نیتو کپور کی منگنی 13 اپریل 1979 کو ہوئی تھی ۔

 

یہ بھی پڑھئے : ماں بننے کے بعد اداکارہ کاجل اگروال نے دکھایا انتہائی بولڈ انداز، فینس کے اڑ گئے ہوش، دیکھئے PICS

بات چیت کرتے ہوئے نیتو کپور کا مزید کہنا تھا کہ ان کے بیٹے رنبیر کپور کی عالیہ بھٹ کے ساتھ 14 اپریل کو شادی ہوئی، تاہم شادی کی رسومات اور پوجا 13 اپریل سے شروع ہو گئی تھیں۔ نیتو کپور نے یہ بھی کہا کہ رشی کپور کو علاج کے دوران تکلیف سے گزرتے ہوئے دیکھ کر سبھی کو بہت تکلیف ہوتی تھی ۔ انہوں نے بتایا کہ رشی کپور بہت کچھ کہنا چاہتے تھے ، لیکن آخری لمحات میں وہ کچھ نہیں کہہ پائے ۔

قابل ذکر ہے کہ نیتو اور رشی کپور کی شادی جنوری 1980 میں ہوئی تھی۔ اسی سال ان کی بیٹی ردھما کپور کی پیدائش ہوئی تھی ۔ ستمبر 1982 میں رنبیر کپور کی پیدائش پر دونوں دوسری مرتبہ والدین بنے۔ رشی کپور طویل عرصے تک کینسر میں مبتلا رہنے کے بعد 30 اپریل 2020 کو دنیا سے رخصت کر گئے تھے ۔