ودیا بالن نےسنائی آپ بیتی، بولیں - اکیلے روم میں لےگیا تھا ڈائریکٹر

بالی ووڈ کی مشہوراداکارہ ودیا بالن ساوتھ انڈین فلم انڈسٹری میں کام کرنےکے دوران اس واقعہ کےبارے میں بتایا ہے، جس سےمایوس ہوکرانہوں نے6 ماہ تک اپنی شکل شیشےمیں نہیں دیکھی تھی۔ یہ معاملہ ان دنوں کا ہےجب ودیا بالن ساوتھ انڈین فلم انڈسٹری میں آنےکے لئےجدوجہد کررہی تھیں۔ تب انہوں نےہندی فلم انڈسٹری میں قدم نہیں رکھا تھا۔ وہ اپنے والدین کےساتھ چنئی میں اس پروڈیوسرسےاس پروڈیوسرکےآفس بھٹک رہی تھیں۔

کافی جدوجہد کےبعد انہیں ملیالم اورتمل فلمیں ملنی شروع ہوگئیں، لیکن اچانک انہیں زیادہ تر فلموں سےنکال دیا گیا۔ اس کےپیچھےایک حیران کرنے والی وجہ تھی۔ اصل میں ودیا بالن ایک کاسٹنگ کاوچ کےمعاملےسےگزری تھیں۔ وہاں پیش آنےوالےحادثہ کےبعد انہیں نہ صرف فلموں سےنکال دیا گیا بلکہ ان کےجسم پرکئی طرح کےتبصرے کئےگئے۔



ہرفلم سے نکال دیا مجھے، بولے یہ کہاں سے ہیروئن لگتی ہے

یہ تمام انکشاف ودیا بالن نےپنکولا کودیئےگئےاپنےانٹرویومیں کیا ہے۔ انہوں نے بتایا کہ ان کےپاس کئی فلمیں آگئی تھیں۔ انہوں نےکچھ کی شوٹنگ بھی شروع کردی تھی، لیکن ایک دن ایک ڈائریکٹرنےکہا کہ وہ فلم کےبارے میں ان سے بات کرنا چاہتا ہے۔ ودیا بالن نےکہا کہ کسی کافی شاپ پرچلتے ہیں، لیکن ڈائریکٹربارباران سے روم میں چلنےکو کہہ رہا تھا۔



کچھ وقت گزرنےکے بعد ودیا بالن نےاس کا مزاج بھانپ لیا، لیکن انہوں نےڈائریکٹرکوسبق سکھانےکی ٹھان لی۔ وہ ڈائریکٹرکے ساتھ روم میں چلی گئیں، لیکن روم میں جاتے وقت ودیا بالن نےدروازوں کوکھلا چھوڑدیا۔ روم میں جانےکےبعد کچھ دیرتک ڈائریکٹرادھرادھرکی باتیں کرتا رہا، لیکن وقت کی نزاکت، ودیا کا مزاج، ودیا کی بات چیت کا لہجہ اورکھلے دروازے کودیکھتےہوئے وہ خود ہی وہاں سےبھاگ کھڑا ہوا۔



تاہم اس کا خمیازہ ودیا بالن کواس فلم سے ہاتھ دھوکرچکانا پڑا۔ اسی طرح کےکئےاورحادثات تب اچانک ہونے لگے۔ ودیا بالن کےہاتھ میں تب تقریباً 10 سےزیادہ فلمیں تھیں، لیکن زیادہ ترسےانہیں نکال دیا گیا۔ چنئی میں رہنےکےدوران جب ان کے والدین ملیالم اورتمل فلم پروڈیوسروں سے ودیا بالن کوباہرکرنےکی وجہ جاننے پہنچیں توانہوں نے ودیا بالن کی تصویردکھاتے ہوئےکہا کہ یہ کہاں سے ہیروئن لگتی ہے۔

چھ ماہ تک ودیا نے نہیں دیکھی اپنی شکل

ودیا بالن بتا تی ہیں، 'میں ان لوگوں کو کافی طویل وقت تک معاف نہیں کرپائی تھی، لیکن اب میں انہیں شکریہ ادا کرتی ہوں کہ انہوں نے مجھےاپنے آپ کو قبول کرنے اورپیارکرنے کے لئے وجہ دی'۔ ودیا بالن کے مطابق 'کئی تمل پروڈیوسروں نے مجھے بدصورت کہا تھا، میں نے تقریباً 6 ماہ تک خود کو شیشے میں نہیں دیکھا'۔



ودیا بالن کہتی ہیں کہ 'اس وقت سب کچھ اتنا منظم نہیں ہوتا تھا۔ مجھے فون پررابطہ کرکے فلم کے بارے میں بتایا گیا۔ میں نے حامی بھردی، لیکن جب شوٹنگ شروع ہوئی تومیں بے چین ہوگئی۔ فلم میں بے حد عجیب قسم کے ہیومرکا استعمال کیا جارہا ہے۔ میں اس کی بالکل حمایت نہیں کرتی تھی، اس لئے میں نے فلم چھوڑدی، لیکن بعد میں اس پروڈیوسر- ہدایت کارنے مجھے قانونی نوٹس بھیج دیا'۔